विश्वकप क्रिकेटः पाकिस्तानलाई हराउँदै भारत विजयी

२ असार, हेटौँडा । इंग्ल्याण्डमा जारी १२ औँ एकदिवसिय विश्वकप क्रिकेटमा भारतले जितलाई निरन्तरता दिदैँ आइतबार रातिको खेलमा चिरपरिचित प्रतिद्वन्दि पाकिस्तानलाई भारतले ८९ रनल हराएको छ ।
आइतबार रातिको खेलमा टस हारेर पहिले ब्याटिङको निम्तो पाएको भारतले पाकिस्तानलाई ३३७ रनको लक्ष्य दिएको थियो । पाकिस्तानले लक्ष्य पछ्याउन क्रममा ३५ ओबरमा ६ विकेट गुमाएर १६६ रन बनाएको अवस्थामा पानि परेपछि खेल रोकिएको थियो । 
४० ओभरमा घटाइएको खेलमा निर्धारण गरिएको नयाँ लक्ष्य भेट्टाउन नसकेपछि पाकिस्तान ८९ रनले पराजित भयो ।
जितका लागि पाकिस्तानले ५ ओभरमा १३६ रन बनाउनुपर्ने भएपनि लक्ष्य भेट्टाउन नसकेपछि डीएल मेथडमा पाकिस्तान ८९ रनले पराजित भएको हो ।
पाकिस्तानका लागि ओपनर फखर जमानले सर्वाधिक ६२ रन बनाए भने बाबर आजमले ४८ रनको योगदान दिए । यसैगरी इमाद वासिमले नटआउट ४६ रन बनाए । यस बाहेक पाकिस्तानका अन्य कुने पनि ब्याट्सम्यानले राम्रो प्रदर्शन गर्न सकेनन् ।
बलिङग तर्फ भारतका लागि  भीजे शंकर, हार्दिक पांड्या तथा कुलदिप यादवले समान २÷२ विकेट लिए ।
यसअघि भारतले ५० ओभरमा ५ विकेटको क्षतिमा ३३६ रन बनाएको थियो । भारतका लागि ओपनर रोहित शर्माले सतक प्रहार गरे भने अर्का ओपनर केएल राहुलले ५७ रन रनको योगदान दिए । 
यस्तै कप्तान विराट कोहलीले ७७,  हार्दिक पाण्ड्याले २६,  विजय शंकरले १५, केदार जादवले ९ र महेन्द्रसिंह धोनीले १ रन बनाए ।
बलिङमा पाकिस्तानका मोहमद आमिरले ३ विकेट लिए भने वाहेब रिजय र हसन अलीले १÷१ विकेट लिए ।
जितसँगै भारत ७ अंक सहित तेश्रो स्थानमा कायमै छ भने समान अंक भएको न्यूजिल्याण्ड नेट रनरेटका आधारमा दोश्रो स्थानमा छ । (एजेन्सी)