तस्करको गजबको सेटिङ ,गाँजा ओसार प्रसारमा भाडाको महिला

सुनिल शिवाकोटी

५ असार, हेटौंडा। गाँजा ओसार प्रसारमा गाँजा कारोबारीले नयाँ तरिका अपनाउने गरेको पाइएको छ। पारिवारिक सदस्य बनाई प्रति टिप ८ हजार दिने सहमतिमा भाडाको महिला प्रयोग कारोबारीले लागु औषध गाँजा ओसार प्रसार गर्ने गरेको पाइएको हो।

जिल्ला प्रहरी कार्यालय मकवानपुरले  बुधबार हेटौंडाबाट विरगंज तर्फ जाँदै गरेको भारतीय नम्बर प्लेट बि आर ०१ सि एन ६९८६ नम्बरको कारलाई पुर्व पश्चिम राजमार्ग अन्तर्गत हेटौंडा ९ मा चेक जाच गर्दा ३७ किलो  लागु औषध गाँजा फेला पारे पछि कारोबारीले भाडामा महिलाको प्रयोग गरी गाजा अोसार प्रसार गर्ने गरेको तथ्य बाहिर आएको हो।

बिहिबार जिल्ला प्रहरी कार्यालय मकवानपुरमा  पत्रकार सम्मेलनको आयोजना गर्दै  प्रहरीले यस बारेमा जानकारी गराएको छ। 

जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले इलाका प्रहरी कार्यालय पशुपतिनगरबाट प्रहरी निरीक्षक अरुण कुमार कुशवाहा को नेतृत्वमा  खटि गएको प्रहरी टोलीले हेटौंडा ९ मा पर्ने  पुर्व पश्चिम लोकमार्गबाट ३७ किलो गाँजा सहित ३ जनालाई पक्रन सफल भएको र पक्राउ पर्नेमा १ जना महिला रहेको बताए।

पक्राउ पर्ने महिला भारत बिहार जिल्ला नालन्दा मगइ नोगवा उमेद्वार बस्ने ४५ बर्षीया अन्नु देवी पासवान रहेको र उनलाइ प्रत्येक पटक असार प्रसार गराए बापत ८ हजार दिने सहमति  भएको अनुसन्धानको क्रममा खुलेको उपरीक्षक सिंहले बताए।

पक्राउ परेका अन्य दुई जनामा कार चालक पर्सा सुगौली गाउँपालिका १ बस्ने ३२ बर्षीया साम सहमत र भारत बिहार बैसाली मोहनपुर चैदाबाद बस्ने २४ बर्षीय मनिष कुमार रहेको र निजहरुले उक्त महिलालाई पारिवारिक सदस्य बनाइ , प्रहरीलाइ झुक्याएर गाँजा अोसार प्रसार गराउन   प्रयोग गरेको उपरीक्षक सिंहले बताए। 

पक्राउ परेका तिनै जना माथि आवश्यक अनुसन्धान भइरहेको जनाइएको छ।