मकवानपुर बहुमुखी क्याम्पसका अयोग्य प्रध्यापक हटाउन ४८ घण्टे अल्टिमेटम

 ६ असार,हेटौँडा । अखिल नेपाल राष्ट्रिय स्वतन्त्र विद्यार्थी युनियन(क्रान्तिकारी) मकवानपुर बहुमुखी क्याम्पस इकाइ कमिटीले अयोग्य प्रध्यापक हटाउन माग गर्दै ४८ घण्टे अल्टिमेटम दिएको छ । 
अखिल नेपाल राष्ट्रिय स्वतन्त्र विद्यार्थी युनियन(क्रान्तिकारी) मकवानपुर बहुमुखी क्याम्पस कमिटीले प्रेस विज्ञप्ती जारी गर्दै अयोग्य प्राध्यापकहरु सुरेस श्रेष्ठ र रामेश्वर कर्माचार्यलाई तत्काल हटाउनुपर्ने माग गरेको हो । अध्यक्ष रामकृष्ण शिवाकोटीद्वारा हस्ताक्षर विज्ञप्तमिा गत जेठ २९ गते प्रल्हाद लामिछानेको संयोजकत्वमा गठित छानविन समितिले अयोग्य प्राध्यापकहरु सुरेस श्रेष्ठ र रामेश्वर कर्माचार्य रहेको उल्लेख गर्दै क्याम्पस प्रशासनलाई प्रतिवेदन बुझाको भएको यत्तिका दिन भइसक्दा समेत क्यापस प्रशासन अयोग्य प्रध्यापक हटाउन कुनै चासो नदेखाएको भन्दै ४८ घण्टे अल्टिमेटम दिएको र अयोग्य प्राध्यापकहरु क्याम्पस प्रशासनले नहटाए क्याम्पसको गेटमा ताला लाग्ने विज्ञप्तीमा उल्लेख गरीएको छ ।

 यस विषयमा बुझन प्रस्ट खबरले अध्यक्ष शिवाकोटीलाई टेलिफोन गर्दा शिवाकोटीले क्याम्पस प्रशासनले राजनीतिक सेटीँङ्मा श्रेष्ठ र कर्मचार्यलाई संरक्षण गरेको बताए । हामीले बारम्बार प्रशासनलाई भन्दा वास्ता गरिएन अब समितिले आयोग्य प्रमाणित गरी प्रतिवेदननै बुझाइसक्यो शिवाकोटीले बताए । उनल प्रदेश ३को शान बोकेको र प्रदेश २मा समेत नाम कमाउन सफल भएको क्याम्पसमा अयोग्य प्रध्यापक हटाएर योग्यलाई नियुत्तः गर्नु पर्ने बताए ।