हेटौँडा बजार फराकिलो बन्छः मुख्यमन्त्री पौडेल

१० असार, हेटौँडा । सडक डिभिजन कार्यालयले असार ७ गते पुर्व पश्चिम राजमार्ग र त्रिभुवन रानपथको किनारामा अतिक्रममा गरेर बनेका घर टहरा खालि गराउन १५ दिने सुचना प्रकाशित गरैसंगै २५ मिटर अभियानले अहिले फेरी एक पटक हेटौँडा बजार तताएको छ । 
यसै सन्दर्भमा प्रदेश नम्बर ३ का मुख्यमन्त्री डोरमणि पौडेलले हेटौँडा बजार क्षेत्र फराकिलो हुने बताएका छन । मंगलबार हेटौंडा उपमहानगरपालिकाको पाँचौ नगरसभा बैठकको उदघाटनका क्रममा मुख्यमन्त्री पौडेलले २५ मिटर भत्काएपनि, १६ मिटर भत्काएपनि अब हेटौँडा बजार फराकिलो हुनेमा दुई मत नरहेएको बताएका हुन । 
कार्यक्रमको प्रमुख अतिथि रहेको मुख्य मन्त्री पौडेलले घमाउरो तरीकामा अब बजार क्षेत्रलाई फराकिलो पारेर हेटौँडा नगर भित्र पर्ने उक्त स्थानमा बन्ने घरहरुमा एकै प्रकारका रङ् लगाई बजार क्षेत्रलाई नयाँ रुप दिएर देशभर चिनाउनु पर्ने बताएका छन ।  
उनले कुनै पनि विकास गर्नका लागि योजना आवश्यक पर्ने र योजना तयार भएपछि त्यस योजनाले जनताको अपेक्षालाई एडे«स गर्न सक्नेखाले हुनु पर्ने बताए । मुख्य मन्त्री पौडेलले निर्वाचनताका घोषण गरि घोषण पत्रमा उल्लेख भए अनुसारकै निति तथा कार्यक्रम ल्याउनुपर्ने बताएका छन ।