तेश्रो मिसेस मकवानपुर साउनमा

१३ असार,हेटौंडा। हेटौंडमा मिसेस मकवानपुर प्रतियोगिता हुने भएको छ ।  हेटौँडा लेडी जेसीजले विगतका वर्ष झै यस बर्ष पनि प्रतियोगितालाई निरन्तरता दिदै तेश्रो मिसेस मकवानपुर २०१९ गर्न लागेको हो  । 
हेटौँडा लेडी जेसीजले शुक्रबार हेटौँडामा पत्रकार सम्मेलनको आयोजना गर्दै यस बारेमा जानकारी गराएको हो  । पत्रकार सम्मेलनमा बोल्दै मिसेस मकवानपुर २०१९ की कार्यक्रम संयोजक सृष्टि गोर्खालीले प्रतियोगिता साउन २ गतेबाट सुरु भई साउन २५ गते समापन हुने बताइन  ।  कार्यक्रम संयोजक गोर्खालीले यस प्रतियोगिताले महिलाहरुको नेतृत्व, व्यक्तित्व विकास र स्टेज कार्यक्रमलाई विशेष जोड बताइन । प्रतियोगितामा सहभागिता हुन इच्छुक प्रतियोगिले फर्म शुल्क वापत १ जार रुपैयाँ र छनौट भईसकेपछी १५ हजार रुपैयाँ बुझाउनुपर्ने पत्रकार सम्मेलनमा बताइएको छ । 
प्रतियोगितामा प्रथम, दोश्रो र तेश्रो हुनेले क्रमशः ३० हजार, २० हजार र १५ हजार रुपैयाँ प्राप्त गर्नेछन् ।गतवर्ष भन्दा केही फरकपना दिनको लागि यस वर्ष भ्यूअर्स च्वाईसको समेत व्यवस्था गरिएको र भ्यूअर्स च्वाईसमा पर्ने एक जनाले नगद १० हजार रुपैयाँ प्राप्त गर्ने आयोजकले बताएको छ। 
२२ दिनसम्म चल्ने प्रतियोगितामा कार्यक्रममा २० जना महिलाहरुको सहभागिता जनाउने लक्ष्य लिईएको  र प्रतियोगितामा पोखराको द लुक्स फेसनका रविन्द्र बज्राचार्यको  कोरियोग्राफी रहने कार्यक्रम संयोजक गौर्खालीले जानकारी दिइन । आयोजकले प्रतियोगिताको लागत १० लाख ७० हजार रुपैयाँ लाग्ने अनुमान गरेको छ ।