'पश्चिमी मकवानपुरमा पोषणसम्बन्धी समस्या जटिल'

१ पुस, हेटौँडा । जिल्ला जनस्वास्थ्य कार्यालय मकवानपुरको आयोजनामा आपतकालिन अवस्थामा गरिने पोषण सम्बन्धी प्रतिकार्य तथा पुर्नलाभसम्बन्धी अन्तक्रिया कार्यक्रम भएको छ । 
कार्यक्रममा स्वास्थ्य कार्यालयका स्वास्थ्य निरिक्षक भीमसागर गुरागाईले पोषण कार्यक्रमबारे अवगत गराएका थिए । गुरागाईका अनुसार स्तनपानको प्रवर्धन, संरक्षण र सहयोगमा ३७ सय ७१ लक्ष्य रहेकोमा ३ हजार ६ सय ४० अर्थात ९६.५२ प्रतिशत प्रगति हासिल गरेको छ । पुरक वा थप खानाको प्रवर्धनमा १३ हजार ६ सय ३२ लक्ष्य रहेकोमा १० हजार ७ सय ६ अर्थात ७८.५३ प्रतिशत प्रगति हासिल गरेको छ । 
अप्रिलदेखि नोभेम्बर २०१६ सम्ममा मध्य शिघ्र कुपोषण व्यवस्थापनमा ६ देखि ५९ महिनाका बालबालिकातर्फ ७६ सय ६९ लक्ष्य राखेकोमा १९ सय ५३ पहिचान भएका र १७ सय ७० कार्यक्रमा भर्ना भएका छन् भने गर्भवती तथा सुत्केरी महिलातर्फ १ हजार ३५ लक्ष्य रहेकोमा २१ सय ९५ पहचिान भएको र २ हजार ११ कार्यक्रममा भर्ना भएको जनाईएको छ । 
कडा शिघ्र कुपोषण व्यवस्थापनमा ६ देखि ५९ महिनाका कडा शिघ्र कुपोषित बालबालिकातर्फ १६ सय ८४ लक्ष्य रहेकोमा ४ सय १५ पहिचान भएको र ३ सय ८५ कार्यक्रममा भर्ना भएका छन् भने मेडिकल जटिलता भएका बालिबालिकातर्फ १ सय ६८ लक्ष्य राखेकोमा २५ पहिचान गरेको र २१ जना कार्यक्रममा भर्ना भएको गुरागाईले जानकारी दिए । 
कार्यक्रममा जनस्वास्थ्य कार्यालयका प्रमुख रामचन्द्र पाठक, स्वास्थ्य निरिक्षक भोला चौलागाई लगायतले पोषणको दृष्टिकोणले पश्चिमी मकवानपुरका आधा दर्जन गाविस जोखिमपूर्ण रहेकाले सबै निकायले समन्वय गर्नुपर्ने बताए । कार्यक्रममा यस्ता समस्याबारे उजागर गर्दै समाधानका लागि पहलका लागि समेत उनीहरुले संचारकर्मीहरुसँग आग्रह गरे ।