निवन्ध प्रतियोगितामा बंशगोपाल प्रथम

१७ असार, हेटौडा । सव–डिभिजन वन कार्यालय, हेटौँडाले आयोजना गरेको निवन्ध प्रतियोगितमा बंशगोपाल माविकी प्रकृति राई प्रथम भएकी छिन् । 

रानी सामुदायिक वन उपभोक्ता समूह हेटौँडा–६ मा भएको ‘वन्यजन्तुको संरक्षणमा विद्यार्थीको भूमिका’ विषयक निवन्ध प्रतियोगितामा भानु माविका सुशान्त दाहाल द्धितिय, सुनगाभा शिक्षा निकेतनका आयुस गौतम तृतिय र भानु माविकी स्वस्तिका ढुङगानाले सान्त्वना पुरस्कार प्राप्त गरेकी छिन् । 

सामुदायिक वन उपभोक्ता महासंघ, मकवानपुरका अध्यक्ष साधुराम चौलागाईको प्रमुख आतिथ्यता एवम कार्यालयकी सहायक वन अधिकृत गायत्री शर्माको अध्यक्षतामा प्रतियोगिता भएको थियो । कार्यक्रममा सव डिभिजन वन कार्यालय, हेटौडाका रेन्जर रविन देवकोटा, फरेष्टर यदुकुमार घिमिरे, रानी सामुदायिक वनका अध्यक्ष कृष्ण बिडारी, संचारकर्मी रुपेश दुलाल लगायतकाले वन्यजन्तुको संरक्षणमा सबैको सहयोग आवश्यक पर्नेमा जोड दिएका थिए ।

प्रतियोगितामा रामहरी चौलागाई, रविन्द्रकुमार गौतम र भीमसेन पौडेलले निर्णायकको भूमिका निर्वाह गरेका थिए । प्रतियोगितामा विभिन्न विद्यालयका १२ जना विद्यार्थीहरुको सहभागिता रहेको थियो । प्रतियोगितामा पहिलो हुनेले नगद ४ हजार, दोस्रो हुनेले ३ हजार, तेस्रो हुनेले २ हजार र सान्त्वना हुनेले १ हजार रुपैँयासहित प्रमाणपत्र प्राप्त गरेका छन् ।