शिखरपानी सामुदायिक वनमा वृक्षरोपण

१८ असार, हेटौडा । हेटौडा–१५ मा रहेको शिखरपानी सामुदायिक वन उपभोक्ता समूहको जंगलमा वुधवार विभिन्न प्रजातीका विरुवाहरुको वृक्षारोपण गरिएको छ । सव–डिभिजन वन कार्यालय, हेटौडा, रातोमाटेले वृक्षारोपण कार्यक्रमको आयोजना गरेको हो । 

कार्यक्रममा लोपोन्मुख प्रजातीका चाप र सतीसालको ४ सय विरुवाको वृक्षारोपण गरिएको थियो । डिभिजन वन कार्यालय, मकवानपुरको चालु आव ०७५÷०७६ को स्वीकृत वार्षिक कार्यक्रम अनुसार वृक्षारोपण गरिएको हो । हेटौडा–१५ का वडा अध्यक्ष महारत्न लामाको प्रमुख आतिथ्यता एवम सव–डिभिजन वन कार्यालय, हेटौडाकी सहायक वन अधिकृत गायत्री शर्माको अध्यक्षतामा कार्यक्रम भएको थियो । 

कार्यक्रममा हेटौडा उपमहानगरपालिकाकी कार्यपालिका सदस्य पातलीमाया गोङवा, सव–डिभिजन वन कार्यालय, हेटौडाका रेन्जर रविन देवकोटा, फरेष्टर यदुकुमार घिमिरे, शिखरपानी सामुदायिक वनका अध्यक्ष चन्द्रबहादुर पाख्रिन, संचारकर्मी भीमसेन पौडेल, लगायतकाले वृक्षारोपणको महत्वको बारेमा जानकारी गराएका थिए ।

कार्यक्रममा वनका कर्मचारी, विभिन्न सामुदायिक वनका पदाधिकारी, सुरक्षाकर्मी, विभिन्न संघसंस्थाका प्रतिनिधि, उपभोक्ता लगायतको सहभागिता रहेको थियो ।