मुआब्जा दिंदै २५ मिटर विस्तार गर्नुपर्छ : बानियाँ

२५ असार, हेटौंडा । मकवानपुरका प्रभावशाली नेता एवम् नेपाली काँग्रेस ३ नम्बर प्रदेश संसदीय दलका नेता इन्द्र बहादुर बाँनीयाले २५ मिटर राजमार्ग विस्तार गर्दा मुअाव्जा सुनिश्चित गर्नुपर्ने बताएका छन् । उनले राजमार्ग विस्तारको काम रोक्न नहुने बताए ।
३ नम्बर प्रदेश प्रमुख प्रतिपक्षि दलका नेता समेत रहेका बाँनीयाले अहिलेको समयमा प्रदेशको राजधानी बन्न लागेको र औद्योगिक क्षेत्रको सुदृढिकरण, फास्ट ट्रयाक, हेटौँडा–धरान–चतरा बाटो, कान्तिलोक पथ, मयुरधापमा बन्ने औद्योगिक क्षेत्रले जिल्लाको आगामि भविष्य सुनौलो हुने तर्फ सवै सचेत जिल्लावासी बुझ्नुपर्ने बताएका छन् । 
पूर्व गृह राज्यमन्त्री समेत रहेका बाँनीयाले नेपाल कम्यूनिष्ट पार्टीका केही नेताहरुलाई औद्योगिक क्षेत्र पनि यही चाहिने, प्रदेशको राजधानी पनि यहि नै चाहिने तर २५ मिटर सडक विस्तारका बारेमा बोल्न नसक्नु जनता झुक्याएर नाफामुखि दाउ हेर्दै बसिरहेका आरोप लगाए । 
सडक विस्तार नगरी राजधानी सार्ने हिजोकै मनसायमा ३ नम्बर प्रदेशको सरकार लागेको बाँनीयाले आरोप लगाए । हामी सधै अग्रगामि पक्षमा रहनुपर्छ, विकासका क्रममा केही विनास हुने भन्दै नेता बाँनीयाले हेटौँडा नगरमा २५ मिटर सडक विस्तार हुँदा विगतमा मुआब्जा लिएका, लिदैँ नलिएका र हाल घर भत्कदा सुकुम्वासी हुने अवस्था आएकाहरुको तथ्यांक निकालि मुअाव्जा पाउने पर्ने उनको माग समेत रहेको छ । बाँनीयाले भने ‘वास्तविक पिडित को हो ? तथ्य, कागज प्रमाण तथा सरकारी दस्तावेजहरुलाई हेरेर पत्ता लगाउन सकिन्छ, त्यसपछि मुआब्जाबारे निर्णय गर्नुपर्छ ।' 
सडक विभागले नियम विपरित काम गर्छ भने आफुले नीति र विधि विपरित हुने कार्यको विरोध गर्ने समेत बाँनीयाले बताए ।