उच्च अदालत पाटन,हेटौंडा इजलासद्धारा लक्ष्य भन्दा १० प्रतिशत बढी मुद्दा फछर्याैट  

  
२६ असार, हेटौँडा । उच्च अदालत पाटन, हेटौंडा इजलासले आर्थिक वर्ष २०७५–०७६ मा लक्ष्य भन्दा १० प्रतिशत बढी मुद्दा  फछर्याैट भएको जनाएकोे छ । 
उच्च अदालत पाटन हेटौंडा इजलासमा पत्रकारसंग अन्तरक्रिया कार्यक्रमको आयोजनामा यसबारेमा जानकारी गराएको हो । कार्याक्रममा इजलासले चालु आर्थिक बर्षको साउन महिना देखि यही असार २५ गते सम्ममा ७९ दशमलब ४९ प्रतिशत मुद्धाको फैसला गरेको बताउदै उच्च अदालतको हेटौंडा इजलासमा परेको कुल एकहजार ४सय ५३ वटा मुद्धामध्ये एकहजार १ सय ५५ मुद्धाको फछ्र्यौट गरिएको अदालतका रजिष्टार विकास श्रेष्ठले बताए । उनले यस आवमा ७० प्रतिशत मुद्दा फछर्यौट गर्ने लाक्ष्य राखिएकोमा इजलाशले दुनियावादी देवानी मुद्दामा २ सय ४२, दुनियावादी फौजदारी १ सय ३८, सरकारीवादी फौजदारी ६ सय ५१, साधक ३, वाणिज्य २३, निषेधाज्ञा ४८, परमादेश १७, सुरु दे फो १, करार र अवहेलना ४, उत्प्रेषण २३ र बन्दी प्रत्यक्षीकरण ५ मुद्दा गरी ७९ दशमलब ४९ प्रतिशत मुद्धाको फैसला  भएको बताएका छन । 
मकवानपुर र चितवनको मुद्दा हेर्ने हेटौंडा इजलाशले जिल्ला अदालतका फैसलाका पुनरावेदन, रिट र बैकिङ कसुर तथा वाणिज्य सम्बन्धीका मुद्दामात्रै हेर्ने गरेको अव २ सय ९८ वटा मुद्धा बाँकी रहेको रजिष्टार विकास श्रेष्ठले बताए।
कार्यक्रममा उच्च अदालत पाटन, हेटौंडा इजलासका मुख्य न्यायधीश टेकराज नेपाल, उच्च अदालत पाटन, हेटौंडा इजलासका न्यायधीशहरु पष्पराज कोइराला, चण्डीराज ढकाल, कृष्ण गिरी, गोपाल भट्टराई, महेन्द्रनाथ उपाध्याय लगायतकाको उपस्थिती रहेको थियो ।