पालुङ जेसीज अध्यक्षमा अन्जल निर्विरोध

३ पुस, हेटौँडा । पालुङ जेसीज वर्ष २०१७ को अध्यक्ष पदमा अन्जल प्रधान निर्विरोध निर्वाचित भएका छन् । नयाँ नेतृत्वका लागि दुई जनाको उम्मेदवारी परेपनि प्रधान निर्विरोध निर्वाचित भएका हुन् ।

विजयश्याम अमात्यले प्रधानलाई सहयोग गर्ने प्रतिवद्धता व्यक्त गरेसंगै उमेदवारी फिर्ता लिएपछि प्रधान निर्विरोध भएका थिए । प्रधानले आफूले पालुङ जेसीजको नेतृत्व सम्हालिदा फरक ढंङ्गबाट कार्य गरी कार्यकाल स्वर्णिम बनाउने प्रतिवद्धता व्यक्त गरे । सन् २००८ देखि जेसीज अभियानमा सक्रिय उनले वर्ष २०१५ मा उपाध्यक्ष र २०१६ मा कोषाध्यक्षको जिम्मेवारी पुरा गरिसकेका छन् ।

पालुङ जेसीजको कार्यकारी उपाध्यक्षमा सुमन बिष्ट र विजय मल्ल, उपाध्यक्षमा जयराम केसी, पूर्णध्वज खत्री, मनोज रायमाझी र उद्धव बिडारी पनि निर्विरोध निर्वाचित भएका छन् । यस अघि कार्यकारी उपाध्यक्षमा उमेदवार दिएका कृष्णप्रसाद दाहाल र किश्वर प्रधान र उपाध्यक्षमा अनिता बिष्टले आफ्नो उमेर फिर्ता लिएको निर्वाचन आयुक्त जर्म श्रेष्ठले बताए ।

पालुङ जेसीजको सभाहलमा भएको पहिलो साधारण सभा थाहा नगरपालिकाका कार्यकारी अधिकृत भीमबहादुर परियारको प्रमुख आतिथ्यता एवं पालुङ जेसीज वर्ष २०१६ का अध्यक्ष शिवकुमार खत्रीको अध्यक्षतामा भएको थियो । कार्यक्रममा राप्रपा थाहा नगर अध्यक्ष हरेराम कार्की जेसीज हलका लागि १ सेट सोफा दिने घोषणा गरेका छन् ।