सिस्नेरी सडक खण्ड अझैं खुलेन, कान्ति लोकपथ ४ दिन देखि अवरुद्ध

२६ असार, हेटौंडा। हेटौंडा-काठमाडौं जोड्ने छोटो दुरीको सडक अन्तर्गत रहेको  हेटौंडा-सिस्नेरी-काठमाडौं सडक र कान्ति लोकपथ अझै  अवरुद्ध बनेको छन ।

हेटौंडा-सिस्नेरी-काठमाडौं सडक खण्डको ईन्द्रसरोवर गाउँपालिका वडा नम्बर २ र ३ को सिमानास्थित छेपारेमा हिजो र आज बिहिबार परेको पानीले  लेदो माटोसहितको पहिरो खस्दा सडक अवरुद्ध भएको हो।हिजो बुधबार देखि अवरुद्ध सडकमा २०० मिटर  सम्म पहिरो गएकाले सो सडक खण्ड अवरुद्ध भएको  जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले बताएका छन्। 

सडको केही भागमा रहेको पहिरो हटाए पनि निरन्तर  बर्षाका कारण पुर्ण रुपमा सडकमा भएको पहिरो हटाउन नसकेकोले अवरुद्ध बनेको सडक खुलाउन नसकिएको प्रहरीले जनाएको छ । यता उक्त सडक खण्डमा पहिरो गएसँगै  हेटौंडाबाट गएका र काठमाडौंबाट हेय अाएका गाडिलाइ फाखेलको बाटो भएर गन्तव्यमा पठाइयो उपरीक्षक सिंहले बताएका छन। उनले वन वएभए  पनि भोलि सम्म सुचारु गराउन प्रयास भइरहेको बताए।

यता, निरन्तर परेको बर्षासंगै गएको पहिरोले गर्दा सोमबारदेखि अवरुद्ध कान्तिलोकपथ सुचारू हुन सकेको छैन ।कान्तिलोकपथ अन्तर्गत  भिमफेदी गाउँपालिका ८ गगटे, कालोपहिरो भन्ने ठाउँमा सोमबार दिउँसो  पहिरो  र मंगलबार बिहान लेनडाडा सिमात खोला नजिकै ठुलो ढुङ्गा  खस्दा  राजपथ अबरुद्ध बनेको इलाका प्रहरी कार्यालय ठिङ्गनका प्रहरी निरीक्षक सागर विक्रम राणाले बताएका छन् ।