पहिरोका कारण सिस्नेरी,फाखेल, हुमाने सडक खण्ड पुर्ण रुपमा बन्द

२७ असार, हेटौंडा।हेटौंडा-सिस्नेरी-फाखेल-हुमाने काठमाडौं सडक पुर्ण रुपमा अबरुद्ध बनेको छ। 

ईन्द्रसरोवर गाउँपालिका वडा नम्बर २ देउराली भन्दा एक किलोमिटर तल  बिहिबार  राति देखि परेको पानीले  लेदो माटोसहितको पहिरो खस्दा सडक अवरुद्ध भएको हो।

अहिले बाटो अबरुद्ध हुँदा काठमाडौं बाट हेटौंडा र हेटौंडा बाट काठमाडौं हिडेका सवारी बिच बाटोमा रोकिएका  जिल्ला प्रहरी कार्यालय मकवानपुरका प्रहरी उपरीक्षक मुकेश कुमार सिंहले बताएका छन्। हेटौंडा-काठमाडौं जोड्ने छोटो दुरीको सडक अन्तर्गतको इन्द्रसरोवर २/३ को सिमा छेपारो गएको पहिरो हटाउन सकिएको छैन।

 बर्षाका कारण पुर्ण रुपमा सडकमा भएको पहिरो हटाउन नसकेकोले अवरुद्ध बनेको सडक खुलाउन नसकिएको र सडक खुलाउने प्रयास भइरहेको प्रहरीले जनाएको छ । 

यता, निरन्तर परेको बर्षासंगै गएको पहिरोले गर्दा सोमबारदेखि अवरुद्ध कान्तिलोकपथ सुचारू हुन सकेको छैन ।कान्तिलोकपथ अन्तर्गत  भिमफेदी गाउँपालिका ८ गगटे, कालोपहिरो भन्ने ठाउँमा  सोमबार दिउँसो  पहिरो  र मंगलबार बिहान लेनडाडा सिमात खोला नजिकै ठुलो ढुङ्गा  खस्दा  राजपथ अबरुद्ध बनेको इलाका प्रहरी कार्यालय ठिङ्गनका प्रहरी निरीक्षक सागर विक्रम राणाले बताएका छन् ।