फाखेल सडक खण्ड एकतर्फी संचालनमा, सिस्नेरी र कान्ति लोकपथ खुलाउने प्रयास जारी

फाखेल सडक खण्डको कलकीमा वाटो खुलाउँदै जेसिभी

२९असार,हेटौंडा। बिहिबार र शुक्रबार परेको अविरल वर्षाका कारण अवरुद्ध बनेको हेटौंडा-फाखेल-हुमाने काठमाडौं सडक आइतबार दिउँसोबाट एकतर्फी संचालनमा आएको छ।

 ईन्द्रसरोवर गाउँपालिका वडा नम्बर २ देउराली, हेभी,किटेनी, कलकी ,फाखेल लगायतको स्थानमा गएको पहिरो हटाएसंगै उक्त सडक खण्ड एकतर्फी संचालनमा आएको जिल्ला प्रहरी कार्यालय मकवानपुरका प्रहरी निरीक्षक पवन कुमार झाले जानकारी दिएका छन्।

हेटौँडा देउँराली फाखेल  सडकखण्डमा खसेको पहिरो हटाउने इलाका प्रहरी कार्यालय भिमफेदी र   जिल्ला प्रहरी कार्यलयम मकवानपुरका प्रहरी निरिक्षक सुरेन्द्र श्रेष्ठ सहिको टोली सकृय रुपमा लागिपरेको थियो।

यता सिस्नेरी सडक खण्डमा धेरै स्थानमा पहिरो गएका कारण सिस्नेरी सडक खण्ड खुलाउँन थालिएको  प्रहरी जनाएको छ। 

यता, निरन्तर परेको बर्षासंगै गएको पहिरोले गर्दा सोमबारदेखि अवरुद्ध कान्तिलोकपथ सुचारू हुन सकेको छैन ।कान्तिलोकपथ अन्तर्गत  भिमफेदी गाउँपालिका ८ गगटे, कालोपहिरो,लेनडाडा सिमात खोला नजिकै ठुलो ढुङ्गा  खस्दा  राजपथ अबरुद्ध बनेको र राजपथ खुलाउने प्रयास भइरहेको इलाका प्रहरी कार्यालय ठिङ्गनका प्रहरी निरीक्षक सागर विक्रम राणाले बताएका छन् ।