पत्रकार पुडासैनीलाई ज्यान मार्ने धम्की, युनियन मकवानपुरद्वारा दोषिलाई कारवाहीको माग

१साउन,हेटौंडा। पत्रकार बलराम पुडासैनीलाइ ज्यान मार्ने धम्की अाएको छ ‌।

मकवानपुरगढी गाउँपालिका वडा नम्बर ३ मा स्ल्याब ढलानमा भएको लापरबाहीको समाचार प्रकाशन गरेबापत नेपाल पत्रकार महासंघ मकवानपुरका शाखाका सदस्य एवम् नेपाल प्रेस युनियन मकवानपुरका संगठन विभाग प्रमुख बलराम पुडासैनीमाथि ज्यान मार्ने धम्की आएको हो ।

गढी–३ स्थित भानु माविदेखि फुटसल मैदानसम्म भएको एक सय १० मिटर स्ल्याब ढलान एक महिना नबित्दै भत्किएको समाचार सम्प्रेषण गरेको भन्दै उपभोक्ता समितिका अध्यक्ष रामप्रसाद घिमिरेले पत्रकार पुडासैनीलाई ज्यान मार्ने धम्की दिएको जनाइएको छ।

ज्यान मार्ने धम्की अाएसगै प्रेस युनियन मकवानपुरले धम्की आएको बिरोधमा विज्ञप्ति जारी गर्दै समाजमा भएको विकृति, विसंगति र भ्रष्टाचारविरुद्ध समाचार लेखेकै आधारमा ज्यान मार्नेसम्मको धम्की दिइनु निन्दनीय भएको जनाएको छ। । युनियन मनवानपुरले पत्रकारले लेखेको समाचारमा चित्त नबुझे खण्डन गर्ने वा त्यसविरुद्ध प्रेस काउन्सिलमा उजुरी दिन सक्ने व्यवस्था हुँदा हुँदै पत्रकारको जिउ मास्नेसम्मको 

अपराधमा तम्सने जोकोहीलाई कारबाहीको दायरमा ल्याउन सम्बन्धित निकायको ध्यानाकर्षण गराउन अनुरोध गरेको छ।  त्यसैगरी पत्रकार पुडासैनीको जिउ धनको सुरक्षा गरी उपभोक्ता समितिका अध्यक्षरामप्रसाद घिमिरेमाथि आवश्यक कारबाही गर्न युनियनले माग गरेको छ ‌‌।