कांग्रेसका बरिष्ठ नेता रामचन्द्र पौडेल हेटौँडा आउँदै

६ असार, हेटौँडा । नेपाली कांग्रेसका बरिष्ठ नेता रामचन्द्र पौडेल आज सोमबार हेटौँडा आउँने भएका छन् । नेपाली कांग्रेसका संस्थापक एवम् जननिर्वात प्रथम प्रधानमन्त्री विश्वेश्वर प्रसाद कोइरालाको ३७ औँ स्मृति दिवसको अवसरमा आयोजना हुने विचार गोष्ठिमा मुख्य वक्ताका रुपमा सहभागि हुन हेटौँडा आउन लागेको नेपाली कांग्रेस मकवानपुरका प्रवक्ता प्रदिप कोइरालाले जानकारी दिए । 
वीपी विचार समाज मकवानपुर र वीपी स्मृति ट्रष्टको संयुक्त आयोजनामा आज सोमबार दिनको ११ बजे होटल सामनामा गोष्ठिको आयोजना हुँदै छ । कार्यक्रममा ट्रष्टका अध्यक्ष श्रीहर्ष कोइराला, महासविच रामचन्द्र पोखरेल, कार्यकारी निर्देशक राजेन्द्र पराजुली, सदस्य किरण यादव लगाएतका नेताहरुले सहभागिता जनाउँने प्रवक्ता कोइरालले बताए । 
यस अघि वीपीको स्मृतिमा आयोजना गरिएको सप्ताहव्यापि कार्यक्रम अन्तर्गत नेपाली कांग्रेसको भातृ संगठन नेपाल विद्यार्थी संघ मकवानपुरले विचार गोष्ठि, नेपाली कांग्रेस मकवानपुर ३ नम्बर क्षेत्रिय समितिले हेटौँडा अस्पतालका विरामीहरुलाई फलफुल वितरण लगाएतका कार्यक्रमको आयोजना गरेको छ । 
यसैगरी आज विहान हेटौँडा ११ मा रहेको वीपी स्मृति बाटिकामा बृक्षा रोपण कार्यक्रम ११ बजे होटल सामनामा विचार गोष्ठि कार्यक्रमको आयोजना गरिदैछ ।  
यस्तै सप्ताहा व्यापी कार्यक्रम अन्तर्गत भोली मंगलबार नेपाल तरुण दल मकवानपुरको आयोजनामा पार्टी कार्यलयमा रक्तदान कार्यक्रम रहेको पार्टी प्रवक्ता कोइरालाले जानकारी दिए । फोटोः गुगल