प्लानद्वारा पुर्नताजगी तालिम

५ पुस, हेटौंडा । समुदायमा आधारित साझेदारी संस्थाहरुको क्षमता अभिबृद्धी गर्ने उदेश्यले प्लान ईन्टरनेशल नेपालको साझेदारी संस्थाका लागि बित्तीय निर्देशिका सम्बन्धी पुर्नताजगी तालिम मंगलबार हेटौँडामा भएको छ । कार्यक्रम प्लान ईन्टरनेशल नेपाल मकवानपुर कार्यक्रम ईकाइले आयोजना गरेको हो ।

कार्यक्रममा प्लानको समुदायमा आधारित १३ साझेदार संस्थाका १९ जनाको सहभागिता रहेको थियो । कार्यक्रममा लेखा प्रणाली, परियोजना सम्झौता, फछ्र्यौट, पूर्व स्वीकृती, कर, भ्याट, प्रतिबेदन, आन्तरिक नियन्त्रण प्रणाली, स्थायी लेखा नम्बर लगाएतका बिषयमा प्रशिक्षण दिईएको थियो । कार्यक्रममा प्लान ईन्टरनेशल नेपाल केन्द्रिय कार्यालयका साझेदारी बित्त व्यवस्थापक श्रीधर भण्डारी र बित्त संयोजक सीता न्यौपाने तथा मकवानपुरका बित्त संयोजक कृष्ण पाण्डेय र लेखापाल कालिदास चौधरी लगाएतले सहजिकरण गरेका थिए ।

प्लान ईन्टरनेशल नेपाल मकवानपुरका कार्यक्रम ईकाइ प्रबन्धक नेत्र उपाध्यायले साझेदार संस्थाहरुको लेखा प्रणालीलाई चुस्त, दुरुस्त र पारदर्शी बनाउँने आशा व्यक्त गरे । सहभागीहरुले तालिमबाट पाएका ज्ञान सीपले संस्थागत बिकासमा महत्वपूर्ण सहयोग पुग्ने भन्दै यस्ता तालिमलाई निरन्तरता दिनुपर्ने बताए ।