क्लासिक टेक प्रालिको सेवा दशौं बर्षमा

७ साउन, हेटौँडा । इन्टरनेट सेवा प्रदायक कम्पनी क्लासिक टेक प्रालिले नेपालमा इन्टरनेट सेवा सुरु गरेको १० बर्ष भएको छ । 
विश्वकै उत्कृष्ट जिपिओएन प्रविधिबाट फाईबर इन्टरनेट सेवा प्रदान गर्दै कम्पनीले नेपालको विभिन्न मुख्य शहरहरुमा सेवा उपलब्ध गराईसकेको विज्ञप्तिमार्फत जनाएको छ । नेपालको  ७७ वटा जिल्लामा नेटवर्क बिस्तार गरि सकेको क्लासिक टेकले २१ वटा भन्दा बढी शाखाको स्थापना गरि करिब   ९ सय दक्ष जनशक्तिहरुका माध्यमबाट निरन्तर रुपले आफ्ना ग्राहकहरुलाई सेवा प्रदान गरिरहेको छ ।
कम्पनीसँग हाल १०० जिविपिएसको फाईबर ब्याकबोन रहेको छ भने एयरटेरल र टाटाबाट देशका तीन नाकाहरुबाट आफ्नै लगानीमा ईन्टरनेटको ब्यान्डविथ भित्र्याएको कम्पनीले जनाएको छ । यसका साथैं गुगल, फेसबुक, अकामाई तथा अन्य विभिन्न सर्भरहरु आफैले होस्ट गरेको छ । सो सर्भर र नेटवर्कको पूर्वाधारको कारणले नै गुणस्तरीय सेवा उपलब्ध गराउन सक्षम भएको कम्पनीले दावि गरेको छ ।
आफ्नो दशौं बार्षिकोत्सवको अवसरमा क्लासिक टेकले ४ सय ७१ रुपैँया प्रति महिनाको दरमा ५० एमविपिएस स्पीडको सेवा बजारमा ल्याएको छ ।  एक वर्ष सेवाको खरिदमा १० महिना बोनसको योजनाले उक्त दरमा सेवा उपलब्धसम्म गराउने कम्पनीले जानकारी गराएको छ ।
हेटौँडा पनि ५ बर्षमा
क्लासिक टेकको हेटौँडा शाखा पनि पाँचौ बर्षमा पुगेको छ । हेटौँडाका इन्टरनेट सेवाग्राहीलाई सहज र सुलभ सेवा प्रदान गर्ने उद्धेश्यले क्लासिक टेकले  हेटौँडामा शाखा विस्तार गरेको थियो । हेटौँडामा पनि पहिलो पटक ‘फाइबर टु दि होम’ सेवा ल्याएको क्लासिक टेकले अहिले हेटौँडाका उद्योग, व्यवसाय, सरकारी कार्यालय, बैंक तथा वित्तिय क्षेत्रसहित घरायसी प्रयोगकर्ताको समेत मन जित्न सफल भएको क्षेत्रीय प्रवन्धक निलाम्बर सापकोटाले बताए ।