चुरियामाईमा भएको दुर्घटनामा मृत्यु भएका एकको सनाखत

८साउन,हेटौंडा।मंगलबार दिउँसो हेटौंडा १५  चुरियामाई नजिक भएको सवारी दुर्घटनामा मृत्यु भएका एक जनाको सनाखत भएको छ। 

मुत्यु हुनेमा सिराहाको सुखिपुर नगरपालिका ८ बस्ने १९ बर्षीय राजेश कुमार पण्डित रहेको जिल्ला प्रहरी कार्यालय मकवानपुरका प्रहरी निरीक्षक अनिष बुढाथोकीले जनाएका छन्। उक्त दुर्घटनामा अटो चालक स्थायी ठेगाना हेटौँडा–३ बसामाडि भई हेटौँडा–९ सिमेन्टरोड बस्ने ३२ बर्षीय सुजन ढकालको मुत्यु भएको थियो।

उक्त दुर्घटनामा परी ९ जना घाइते भएका थिए। घाइते हुने एक जना हेटौंडा–४ का ४७ बर्षीय नवराज तिमल्सिनालाइ थप उपचारका लागि चितवन रेफर गरिएको थियो। 

अन्य घाइतेमा बाराको कलैया उपमहानगरपालिका वडा नम्बर २० घर भई इलाका प्रहरी कार्यालय पशुपतिनगरका प्रहरी हवल्दार ३३ बर्षीय मुर्तुजा देवान, चितवनको राप्ति नगरपालिका वडा नम्बर ७ का २१ बर्षीय आक्रोश चौधरी, बाराको कलैया उपमहानगरपालिका वडा नम्बर २० का ४८ बर्षीय महमोद आरुन अन्सारी, बुनियाद गाउँपालिका वडा नम्बर ७ का ३५ बर्षीय अम्रोद्दिन हुवारी उपचारपछि डिस्चार्ज भएका थिए।त्यस्तै, मकवानपुरको मनहरी गाउँपालिका वडा नम्बर ७ विजौनाका ३८ बर्षीय कमल मोक्तान, ५५ बर्षीय सिताराम थिङ, सुनसरीको इटहरी नगरपालिका वडा नम्बर १३ का २२ बर्षीया एन्जिला मगर र पर्साको पर्सागढीका ५१ बर्षीय बुद्धिराम महतो उपचारपछि डिस्चार्ज भएको जिल्ला प्रहरी कार्यालय मकवानपुरले जनाएको छ ।