चालकलाई अभद्र व्यवहार गर्ने बसपार्क ढाटका ४ जना पक्राउ

९ साउन,हेटौँडा । गुडिरहेको भारतीय नम्बरको गाडी रोकेर अभद्र व्यवहार गर्ने हेटौँडा १० बसपार्कमा रहेको उपमहानगरको ढाटमा काम गर्ने ४ जनालाई मकवानपुर प्रहरीले पक्राउ गरेको छ ।  
पक्राउ परेको ४ जनाले बुधबार रौतहटको गौरबाट हेटौँडाको सिमा चोक हुदै बुद्ध चोक भएर बुटवल तर्फ जादै गरेको डि एल २ सि ए टि ०४५२ जि नम्बरको भारतीय गाडीलाई रोकी गाडीमा सवार रौतहट कटहरीया नगरपालि ९ बस्ने बिरेन्द्र हजरा र सोही ठाँउ बस्ने बैजु प्रसाद वावरालाई  गाडी किन बुद्धचोक बाट ल्याएको भन्दै अभद« व्यवहार गरेको थिए । 
भारतिय गाडीलाई रोकि लोकमार्गमा हातपात र अभद्र ब्यवहार गरीरहेको भन्ने सुचनाका आधारमा जिल्ला प्रहरी कार्यालय मकवानपुरबाट खटि गएको प्रहरी टोलिले उनिहरुलाई पक्राउ गरेको हो। पक्राउ पर्नेमा ढाठमा काम गर्ने चितवन भरतपुर महानगरपालिका ११ घर भई हेटौडा उपमहानगरपालिका  २ मानस चोक बस्ने बर्ष २४ को आशिष अधिकारी, हेटौडा उप महानगरपालिका २ मानस चोक नै बस्ने बर्ष १९ को अनिश लामा,गोरखा घर भई हेटौँडा १० आनन्दटोल बस्ने बर्ष २४ को सुनिल लामा र बारा घर भई हाल हेटौडा बस्ने बर्ष ४० को बिजय लामा रहेको जिल्ला प्रहरी कार्यालय मकवानपुरका प्रहरी नायव उपरीक्षक यज्ञ प्रसाद भट्टराईले बताए । 
पक्राउ परेका ४ जनालाई सार्वजनिक हित, सुविधा, सुरक्षा र नैतिकता बिरुद्धको कसुरमा आवश्यक कारवाही  अघि बढाईएको बताइएको छ ।