टी–२० विश्वकप एसिया छनोटः आयोजक सिंगापुर विजयी

१० साउन, हेटौँडा । आईसीसी टी–२० विश्वकप क्रिकेटअन्तर्गत एसियाली छनोट प्रतियोगितामा आयोजक सिंगापुरले मलेसियालाई ८ विकेटले हराएको छ ।
शुक्रबर भएको खेलमा मलेसियाले दिएको ९३ रनको विजय लक्ष्य पछ्याएको सिंगापुरले १३.२ ओभरमा दुई विकेटको क्षतिमा ९६ रन जोड्दै पूरा गरेको हो ।
सिंगापुरको जितमा सुरेन्द्रन चन्द्रामेहनले अविजित ५० रनको अर्धशतकिय पाली खेले । मनप्रित सिंहले अविजित २६ र टिम डेभिडले १४ रन बनाए । मलेसियाका नेभिले नियानागेले एक विकेट लिएका थिए । यसअघि पहिले ब्याटिङ गरेको मलेसियाले १८.४ ओभरमा सवै विकेट गुमाएर ९२ रन बनाएको थियो ।
मलेसियाका लागि मुहमद सायदादले सर्वा्धिक २२ रन बनाए । भिरन्दीव सिंहले १७ तथा सफिक रिफ र अमिउद्धिन राम्लेले समान १२ रन बनाए । सिंगापुरका अजाद महबुब र अनन्थ कृष्णले तीन तीन विकेट लिए । विजयकुमारले दुई विकेट लिएका थिए । भिनोथ भास्करण र जनकप्रसादले एक–एक विकेट लिए ।
यस जितसँगै शीर्ष टोली सिंगापुरले तीन खेलबाट पाँच अंक बनाएको छ । एक खेल खेल्न बाँकी रहेको मलेसियाको दुई अंक छ । मलेसिया प्रतियोगिताबाट बाहिरिएको छ ।
सिंगापुरको जितले नेपालको विश्वकप छनोट सम्भावना बढेको छ । नेपालले अब शनिबार कुवेत र आइतबार सिंगापुरलाई हराएमा स्वतः छनोट हुनेछ