डुवान समस्याको दीर्घकालीन समाधानका लागी सरकार तयारः परराष्ट्रमन्त्री ज्ञवाली

११ साउन, हेटौँडा । परराष्ट्रमन्त्री प्रदिप ज्ञवालीले नेपाल–भारत डुबान समस्याको दीर्घकालीन समाधानका लागि सरकारले कुनै कसर बाँकि नराख्ने प्रतिवद्धता व्यक्त गरेका छन् ।
शुक्रबार काठमाडौंमा आयोजित ‘बाँध, बाढी र डुबान’ विषयक बहस कार्यक्रममा बोल्दै उनले भारतले निर्माण गरेका बाँधका कारण नेपालको तराई क्षेत्र डुबानमा परेको भन्दै सरकारको चर्को आलोचना भईरहेका उक्त समस्या समाधान गर्न सरकारले कुनै पनि कसर बाँकि नराख्ने प्रतिवद्धता व्यक्त गरेका हुन् ।
डुवान समस्याको दीर्घकालीन समाधानका लागि ३ वर्ष अघि दुई मुलुकबीचको प्राविधिक टोलीले तयार पारेको डुबान समस्या समाधनसम्बन्धि प्रतिवेदन तत्काल कार्यान्वयन गर्ने दावी पनि गरे ।
सो प्रतिवेदनमा भारतले आफूले बनाएको बाँधका कारण नेपालको भूमि डुबान भएको स्विकार गरेको मन्त्री ज्ञवालीले जानकारी दिए । मन्त्री ज्ञवालीले सो समस्या समाधान गर्दा द्धिपक्षीय हितलाई नै ध्यानमा राखेर अघि बढनुपर्ने बताए । 
उनले दुई मुलुकबीचको डुबान समस्या समाधानका लागि अव बस्ने मन्त्रीस्तरीय बैठकमा छलफल गर्ने समझदारी गरिएको जानकारी दिदैँ अव छिटै बस्ने दुई मुलुकबीचको परराष्ट्र मन्त्री स्तरीय बैठकले सो समस्याको दीर्घकालीन समाधान खोज्ने दावी गरे ।
मन्त्री ज्ञवालीले बाढी, पहिरो र डुबानबाट पीडित नागरिकलाई प्रभावकारी ढंगले राहतको व्यवस्था गर्न सरकारले छुट्टै विपद व्यवस्थापन प्राधिकरण बनाउने तयारी गरिरहेको जानकारी गराए । त्यसका लागि कानुन निर्माणको कामलाई अघि बढाइएको मन्त्र िज्ञवालीको भनाई छ । मन्त्री ज्ञवालीले पीडितको राहत, उद्धार र पुनस्थापनाको कामलाई प्रभावकारी बनाउन सरकारले सो प्राधिकरण गठन गर्न लागेको बताए ।