क्याम्पस र नेविसंघ विच सहमती, तत्कालका लागी आन्दोलनका कार्यक्रम फिर्ता

११ साउन, हेटौँडा । नेपाल विद्यार्थी संघ मकवानपुर बहुमुखि क्याम्पस इकाइ समिति र क्याम्पस प्रशसन विच सहमती भएपछि नेविसंघले गरेको आन्दोलनका कार्यक्रम फिर्ता भएको छ ।
नेपाल विद्यार्थी संघ मकवानपुर बहुमुखि क्याम्पस इकाइले क्याम्पस प्रशासनको बिकृति र अनियमितताको आवाज उठाउदा बिधार्थिहरूलाई कुट्ने, धम्काउने तथा झुठा मुद्वा लगाएर फसाउन खोज्ने जस्ता कृयाकलाप बढेको भन्दै क्याम्पस प्रशासन र सञ्चाल समितिका बिरूद्ध अनिश्चितकालिन क्याम्पस बन्दको घोषणा गरेको थियो । 
नेविसंघले संचालक समितिका अध्यक्ष, क्याम्पस चिफ र बिद्यार्थी पिट्ने शिक्षकको राजिनामा माग गर्दै तलाबन्धि समेत गरेको थियो ।
नेविसंघ मकवानपुर क्याम्पस ईकाई र क्याम्पस प्रशासनबीच शनिबार छलफल भएपछि नेविसंघले आन्दोलनका कार्यक्रमहरु फिर्ता लिएको हो ।
नेविसंघ मकवानपुरका अध्यक्ष राजु खतिवडाले स्नातक तह दोस्रो वर्षको परीक्षा र नयाँ बिध्यार्थी भर्नाको समयलाई मध्यनजर गर्दै आन्दोलनको कार्यक्रम स्थगित गर्नुपरेको जनाएका छन् । उनले क्याम्पस प्रशासनले सहमती कार्यान्वयन गर्न आनाकानी गरे आन्दोलनले पुनः निरन्तरता पाउँने उल्लेख गरे ।
छलफलमा नेविसंघँंग प्रशासनले गरेका पूर्व सहमतिहरु कार्यान्वयन गर्ने, कार्वाही गरेको विद्यार्थीलाई पठनपाठन गर्न दिईने, पुस्तकालय र प्राध्यापक कर्मचारीको विवरण उपलब्ध गराउने, प्राध्यापक र विद्यार्थीबीचमा हार्दिकता कायम गराउन प्रशासनले पहल गर्ने लगायतका विषयमा सहमति भएपछि नेविसंघले आन्दोलनको कार्यक्रम फिर्ता लिएको जनाएको छ ।