हेटौँडा ६ नम्बर वडाले आत्मनिर्भर बन्न सहयोग गर्ने

१४ साउन हेटौडा । हेटौंडा उपमहानगरपालिका वडा नम्बर ६ ले वडाबासीलाई आत्मनिर्भर बन्नका लागि सहयोग गर्ने भएको छ । 
व्यवसायिक तथा सीप विकास तालिम केन्द्र हेटौडाको आयोजना र हेटौडा उपमहानगरपालिका ६ नं. वडा कार्यालयको समन्वयमा संचालित ३ महिने केश ऋंगार तथा सिलाई तालिमका सहभागिहरुलाई प्रमाणपत्र वितरण कार्यक्रममा वडा अध्यक्ष अर्जुनप्रसाद चौलागाईले ६ नम्बर वडाबासीलाई तालिम लिएर आत्मनिर्भर बन्न वडा कार्यालयले आर्थिक सहयोग गर्ने बताएका हुन् । उनले वडा कार्यालय विभिन्न समयमा फरक प्रकृतिका तालिम गरेको भन्दै ति तालिममा सहभागी युवाहरुले समूहगत रुपमा काम गर्न चाहेमा वडा कार्यालय लगानीमा सहयोग गर्ने बताए । वडा कार्यालयले गरेको लगानीलाई व्यवस्थित र पारदर्शी बनाउन सहकारी वा समूहमार्फत मात्रै लगानी गर्ने चौलागाईले बताए ।
कृषि वन विश्वविद्यालय, रामपुरका प्रोफेसर प्राध्यापक डाक्टर प्रदिपराज रोकायाको प्रमुख आतिथ्यता एवम हेटौडा–६ का वडा अध्यक्ष अर्जुनप्रसाद चौलागाईको अध्यक्षतामा भएको कार्यक्रममा कार्यक्रममा सिलाई तर्फ उत्कृष्ट हुने सुजता बलामी, कोपिला सापकोटा, सविता लामिछाने र केश ऋंगारतर्फ सुनिता ढुंगाना, सलिना श्रेष्ठ र नितिशा मानन्धरलाई पुरस्कृत गरिएको थियो । 
कार्यक्रममा व्यवसायिक तथा सीप विकास तालिम केन्द्रका प्रमुख युवराज गुरुङ, ६ नं. वडा सदस्य रामहरि राई, राजकुमार बास्तोला, वडा सचिव आमोद प्रसाद मैनाली, संचारकर्मी भीमसेन पौडेल लगायतले मन्तव्य व्यक्त गरेका थिए । तालिममा अनुपमा घिमिरे, उर्मिला हमाल, ईन्द्रावती तिमल्सिना र निर्मला गुरागाईले सहजीकरण गरेका थिए ।