प्रदेशसभा सुचारु गर्न कांग्रेस सांसदहरुको मूख्यमन्त्रीसंग आग्रह

File Photo

१४ साउन, हेटौँडा । ३ नम्बर प्रदेशका नेपाली कांग्रेसका सांसदहरुले मूख्यमन्त्री डोरमणी पौडेललाई प्रदेशसभा सुचारु गर्न मूख्यमन्त्री डोरमणी पौडेललाई आग्रह गरेका छन् ।
असारको अन्तिम सातादेखिको प्राकृतिक विपदका कारण ३ नम्बर प्रदेशमा जनधनको क्षति भएको भन्दै यसबारे गम्भिर छलफल आवश्यक रहेको भन्दै प्रदेशसभा सुचारु गर्ने वातावरण बनाउन मूख्यमन्त्री डोरमणी पौडेललाई आग्ह गरेका हुन् । प्रदेशसभालाई ‘विजनेश’ दिने दायित्व प्रदेश सरकारको भएको भन्दै नेपाली कांग्रेस संसदीय दलका सचिव निमा लामाले अहिलेको विपद्बारे छलफल गर्न पनि संसद सुचारु हुनुपर्ने बताए । ‘संसद सुचारु भएको भए सबै संसदहरुले आफ्नो क्षेत्रमा भएको जनधनको क्षतिको अवस्थाबारे सरकारलाई अवगत गराउन सक्नुहुन्थ्यो ।’–उनले भने । यसले राहत तथा पुर्नस्थापनामा काम गर्न सरकारलाई नै सजिलो हुने थियो ।
विपदमा परेकाहरुको राहतका लागि सहयोग रकम हस्तान्तरण गर्न आएका समयमा चितवनका नेपाली कांग्रेस सांसद बलराम पौडेलले पनि मूख्यमन्त्रीलाई यसबारे आग्रह गरेका थिए । उनले प्रदेशमा भएको यस्तो विपदको अवस्थामा पनि केही छलफल नहुँदा नकारात्मक सन्देश गएको भन्दै संसद सुचारु गर्ने वातावरण बनाउन मूख्यमन्त्रीको ध्यानाकर्षण गराएका थिए । 
सांसदहरुको चासोको प्रतिक्रिया दिंदै मूख्यमन्त्री पौडेलले ‘विजनेश’ नभएकाले संसद सुचारु नभएको बताएका थिए । विपदमा परेकाहरुको राहतका लागि प्रदेश सरकारले काम गरेको उनको भनाई थियो ।