गोल्डकपका लागि १४ उपसमिति गठन

९ पुस, हेटौंडा । सुमन भोम्नज स्मृति खेलकुद प्रतिष्ठानको आयोजनमा पुस १४ गतेबाट  हेटौंडामा हुने दोस्रो अन्तर्राष्ट्रिय आमन्त्रण फुटबल गोल्डकप प्रतियोगिता–२०७३ को तयारीलाई तीब्ररुपमा अगाडि बढाइएको छ ।

आयोजक समिति प्रतिष्ठान अध्यक्ष भेष खड्गीको अध्यक्षतामा शुक्रबार बसेको बैठकले मूल समारोह समितिसहित १४ वटा उपसमितिहरु गठन गरेको छ । मूल समारोह समितिको संयोजकमा प्रतिष्ठान अध्यक्ष खड्की रहेका छन् । ‘प्रतियोगितामा सहभागी हुने टोलीको टुंगो लागिसकेको छ । प्रायोजक तथा सहप्रयोजक पनि लगभग टुंगो लागिसकेको छ । तयारी तीब्ररुपमा अगाडि बढाइएको छ’, प्रतिष्ठान अध्यक्ष खड्गीले भने ।

गोल्डकपका लागि प्रचारप्रसार उपससमिति संयोजक राजन दाहाल ‘रसिक’, आर्थिक उपसमिति संयोजक विशाल महत, सुरक्षा व्यवस्थापन उपसमिति संयोजक सानु लामा, टीम व्यवस्थापन उपसमिति संयोजक दीपेन्द्र ढकाल, टिकट व्यवस्थापन उपसमिति संयोजक डेविन श्रेष्ठ,  सचिवालय, स्टेज तथा अतिथि व्यवस्थापन समिति संयोजक सविन न्यौपाने तथा बलव्वाई उपसमिति संयोजक सुविन घिमिरेलाई तोकिएको छ ।

त्यसैगरी, सरसफाई तथा मैदान व्यवस्थापन समिति संयोजक रुपक मगर, खाना तथा आवास व्यवस्थापन समिति सुदीप राजबाहक, प्रतियोगिता व्यवस्थापन उपसमिति मकवानपुर जिल्ला फुटबल संघ, मूल्यांकन तथा पुरस्कार पुरस्कार छनौट उपसमिति संयोजक विजयलाल श्रेष्ठ, स्थानीय व्यवस्थापन समिति संयोजक राजन खरेल तथा अनुशासन तथा मूल्यांकन उपसमिति संयोजक राजन दाहाल ‘खुशराज’ रहेका छन् ।