साहित्यकार अप्सरा तिम्सिनाको सम्झनामा शोकसभा

१८ साउन, हेटौँडा । सर्जक सञ्जाल मकवानपुरले दिवंगत हुनुभएका मकवानपुरे साहित्यकार अप्सरा तिम्सिनाको सम्झनामा शनिबार शोकसभा गरेको छ । 
साहित्यकार तुल्सी थापाको प्रमुख आतिथ्यता तथा साहित्यकार निमेष निखिलको सभाध्यक्षतामा भएको शोक सभामा साहित्यकार तिम्सिनाको असामहिक निधनले मकवानपुरको मात्र नभइ देशकै साहित्य क्षेत्रमा अपुरणीय क्षति भएको सहभागिहरुले उल्लेख गरेका छन् । 
सभामा सर्जक सञ्जाल मकवानपुरमा आबद्ध १३ भन्दा बढी साहित्यीक सँघ सँस्थाले शोक व्यक्त गरेका छन् । सभामा मकवानपुरका साहित्यकारहरुको सहभागिता रहेको थियो । 
तिम्सिनाको गत साउन १३ गते उपचारको क्रममा चितवनमा निधन भएको थियो ।
बिक्रम सम्बत २०३० साल कात्तिक २८ गते ओखलढुङ्गामा जन्मिएकी तिम्सिना आँचल साहित्य कला पुञ्ज मकवानपुरकी अध्यक्ष थिइन । 
हेटौंडा ३ लेवटस्थित बालउज्ववल माबिमा सहायक प्रधानाध्याध्यापक समेत रहेकी तिम्सिना भिम बिराग साहित्यक कला प्रतिष्ठानको कोषाध्यक्ष, श्याम प्रसाद शर्मा स्मृति  प्रतिष्ठान  नेपालको कार्यसमिति सदस्य समेत रहेकी थिइन ।
उनका किनाराका आवाजहरु कविता सँग्रह २०५८ सालमा र अभ्यन्तर कथा सँग्रह २०७५ सालमा प्रकाशित भएका थिए ।