मकवानपुर प्रहरीले गर्‍यो प्रनि पनेरुको बिदाई,रायको स्वागत

२० साउन,हेटौँडा । जिल्ला प्रहरी कार्यालय मकवानपुरले सरुवा भइ जान लागेका ईलाका प्रहरी कार्यालय प्रहरी निरीक्षक बिरेन्द्र पनेरुको बिदाई तथा ईलाका प्रहरी कार्यालय भिमफेदीमा सरुवा भई आएका प्रहरी निरीक्षक रामबालक रायको स्वागत गरेको छ । 
जिल्ला प्रहरी कार्यालय मकवानपुरले फेरी भेटौँला तथा स्वागत कार्यक्रम अन्र्तगत सोमबार सरुवा भई गएका प्रहरी निरीक्षक पनेरु तथा सरुवा भई आएका रायलाई बिदाई तथा स्वागत गरेको हो ।  उनलाई  मकवानपुर प्रहरी प्रमुख प्रहरी उपरीक्षक मुकेश कुमार सिंहले खादा र ढाका टोपी लगाएर  प्रहरी निरीक्षकहरुको बिदाइ तथा स्वागत गरेका थिए । 

बिदाई तथा स्वागत कार्याक्रममा जिल्ला प्रहरी कार्यालय मकवानपुरका प्रहरी निरीक्षक पवन कुमार झा, वडा प्रहरी कार्यालय हेटौँडा सानोपोखराका प्रहरी निरीक्षक सन्तोष श्रेष्ठ,ईलाका प्रहरी कार्यालय पशुपतिनगरका प्रहरी निरीक्षक अरुण कुमार कुशवाहा लगायतको सहभागिता रहेको थियो । प्रहरी प्रधान कार्यालयले साउन ८ गते देशभर  ४३७ प्रहरी निरीक्षक को सरुवा गरेको थियो । जसमा मकवानपुरका ५ प्रहरी निरीक्षकहरुको सरुवा भएको छ।जस्मा इलाका प्रहरी कार्यालय मनहरीका विरेन्द्र पनेरुको महानगरीय प्रहरी परिसर ललितपुरमा सरुवा भएको छ, उनको बदलीमा मनहरीमा श्रीशंकर श्रेष्ठ आएका छन भने इलाका प्रहरी कार्यालय भीमफेदीमा सन्तबहादुर लामाको महानगरीय प्रहरी बृत्त जनसेवा, काठमाण्डौं सरुवा भएको छ भने बदलीमा रामबालक राय भीमफेदी आएका छन ।