अडान स्थापनाको अवसरमा छात्रवृत्ति प्रदान

२० साउन, हेटौँडा । नेपाल अडिटर्स एशोसियसन (अडान) मकवानपुरले १४ औं स्थापना दिवसको अवसरमा एक विद्यालयका विद्यार्थीलाई छात्रवृति प्रदान गरेको छ । 
हेटौडा–६ कुमलटारमा रहेको श्रीकृष्ण आधारभुत विद्यालयमा अध्ययन गर्ने ७ जना विद्यार्थीहरुलाई कपी, कलम र पोशाकको लागि जनही ६ हजारका दरले छात्रवृति प्रदान गरिएको थियो । विद्यालयमा अध्ययन गर्ने दलित, जनजाती र गरिव विद्यार्थीहरुलार्ई छात्रवृति प्रदान गरिएको विद्यालयले जनाएको छ । 
कार्यक्रममा विद्यालयकी प्रधानाध्यापक मन्दिरा घिमिरेले विद्यालयको शैक्षिक तथा भौतिक अवस्थाको बारेमा जानकारी गराउँनु भएको थियो । हेटौडा–६ नम्बर वडा सदस्य रामहरि राईको प्रमुख आतिथ्यता एवम विद्यालय व्यवस्थापन समितिका अध्यक्ष विष्णुप्रसाद ढुङगानाको अध्यक्षतामा कार्यक्रम भएको थियो । कार्यक्रममा नेपाल अडिटर्स एशोसियसनका केन्द्रीय सदस्य प्रकाश ढकाल, जिल्ला अध्यक्ष पूर्णमान श्रेष्ठ, संचारकर्मी भीमसेन पौडेल लगायतकाले मन्तव्य व्यक्त गरेका थिए । 
कार्यक्रमा अडान ३ नं. प्रदेशका सदस्य तेजप्रसाद रुपाखेती, जिल्ला उपाध्यक्ष तेजप्रसाद आचार्य, सचिव रामकृष्ण देवकोटा, विद्यालयका शिक्षक शिक्षिका, संचारकर्मी, विद्यालय व्यवस्थापन समितिका पदाधिकारी, शिक्षक अभिभावक संघका पदाधिकारी, विद्यार्थी र स्थानीयहरुको सहभागिता रहेको थियो । कक्षा ५ सम्म अध्यापन हुने यस विद्यालयमा ८३ जना विद्यार्थीहरु अध्यययनरत छन । 
विद्यालयमा अधिकांश दलित तथा जनजाती विद्यार्थीहरु अध्ययनरत रहेको विद्यालयले जनाएको छ ।