इंग्लिस प्रिमियर लिगः म्यानचेस्टर सिटीको विजयी सुरुवात

२६ साउन, हेटौँडा । साविक विजेता म्यानचेस्टर सिटीले नयाँ सिजनको इंग्लिस प्रिमियर लिग फुटबलमा शानदार सुरुवात गरेको छ ।
शनिवारराति भएको सिजनको आफनो पहिलो खेलमा वेस्ट ह्याम युनाइटेडलाई ५–० ले पराजित गर्दै सिटीले उपाधि रक्षाको अभियान थालेको हो ।
गएराती भएको खेलमा सिटीलाई विजयी गराउन राहिम स्टर्लीङले ह्याट्रिक गरे भने ग्याब्रीएल जिसस र सर्जियो अगुएरोले एक एक गोल गरे ।
यस्तै शनिवाररातिनै भएको अर्को खेलमा टोटनह्याम हट्सपरले एस्टन भिल्लालाई ३–१ ले हराएको छ । टोटनह्यामलाई विजयी गराउन ह्यारी केनले दुई गोल गरेभने डेम्बेलेले एक गोल गरे । भिल्लाका लागी जोन म्गाक्गीनले सुरुवाती गोल गरेका थिए ।
प्रिमियर लिग फुटबलका अन्य खेलहरुमा बर्न्लेले साउथह्याम्पटनलाई ३–० ले हराउँदा ब्राईटनले वाट्फोर्डलाई ३–० ले नैं पराजित ग¥यो ।
यसैगरी एभर्टन र क्रिष्टल प्यालेसले गोलरहित बराबरी खेल्दा बर्नमाउथले शेफिल्ड युनाईटेडसँग १–१ गोलको बराबरीमा चित्त बुझायो । 
प्रिमियर लिग फुटबलमा आज तिन खेल हुनेछन् । आज आर्सनल र न्युकासल युनाईटेड तथा लेष्टर सिटी र वुल्भरह्याम्पटन भिड्दा चेल्सीले म्यान्चेस्टर युनाईटेडसँग खेल्नेछ । (एजेन्सी)