ईदको अवसरम मुख्यमन्त्री पौडेलद्वारा शुभकामना

२७ साउन, हेटौंडा । ३ नम्बर प्रदेशका मुख्यमन्त्री डोरमणी पौडेलले ईस्लाम धर्मावलम्बीहरूको पर्व बकर ईद (इदुल जोहा) को अवसरमा शुभकामना व्यक्त गरेका छन ।
मुख्यमन्त्री पौडेलले  ईदका अवसरमा स्वदेश तथा विदेशमा रहेका सम्पूर्ण ईस्लाम धर्मावलम्बी नेपाली दाजुभाइ तथा दिदीबहिनीहरूमा सुख, शान्ति, समृद्धि तथा सुस्वास्थ्यको कामना व्यक्त गरेका हुन ।
              उनले सोमबार जारी गरेको सन्देशमा " नेपाल बहुजातीय बहुसाँस्कृतिक देश भएको उल्लेख गर्दै सबै जाती र सँस्कृतिका चाडपर्वहरुप्रति सरकारको  उत्तिकै सम्मान रहेको बताएका छन् ।
मुख्यमन्त्री पौडेलले संविधानले संघ, प्रदेश र स्थानीय तहको अन्तरसम्बन्ध सहकारिता, सहअस्तित्व र समन्वयको सिद्धान्तमा आधारित हुने व्यवस्था गरेको बताउँदै तीन वटै तहका सरकार जनताप्रति उत्तरदायी, जनताबाट सञ्चालित र जनताको सेवामा समर्पित भइ “सुखी नेपाली, समृद्ध नेपाल” बनाउने महान् उद्देश्य पूरा गर्न समन्वयकासाथ अघि बढि इतिहास रच्ने आधार बनाउन प्रतिवद्ध रहेको स्पष्ट पारेका छन् ।
उनले सन्देशमा बकर ईद पर्वको यस पावन अबसर मा राष्ट्रिय एकता , सामाजिक सद्भाव , सुख, शान्ति, समृद्धि तथा सुस्वास्थ्यको हार्दिक शुभकामना व्यक्त गरेका छन्।"