एक्स्पर्ट पब्लिक स्पिकिङ च्याम्प सिजन २ हुने 

२८ साउन, हेटौँडा । बिमोचन इभेन्ट एण्ड ईन्टरटेनमेन्ट प्रा.लि ले ‘एक्स्पर्ट पब्लिक स्पिकिङ च्याम्प सिजन २’ गर्ने भएको छ । 
सिजन १ को सफलता पछी सिजन २ गर्न लागिएको मंगलबार भरतपुरमा आयोजित पत्रकार सम्मेलन मार्फत जानकारी गराईएको हो । 
भाद्र ३ गतेबाट शुरु हुने सिजन २ को अडिसनमा कक्षा ७ देखी १२ सम्मका विद्यार्थीहरुले सहभागीता जनाउन पाउने बिमोचन इभेन्ट एण्ड ईन्टरटेनमेन्ट प्रा.लि का प्रवन्धक बिमोचन आचार्यले जानकारी दिए । 
सिजन २ लाई सिजन १ भन्दा बृहत बनाउनका लागि यस पटक बिभिन्न ८ स्थानबाट अडिसन लिईने जानकारी दिँदै यस पटक मुग्लिन, पर्सा, कावासोती, टाँडी, दिव्यनगर, गैंडाकोट, भरतपुर र माडीमा गरी ८ स्थानबाट विद्यार्थीहरुले अडिसन दिन सक्ने प्रालिका विजनेस डेभलपमेन्ट मेनेजर अच्युत चालिसेल बताए ।
मुग्लिनमा भाद्र ३ गते, पर्सामा भाद्र १० गते, कावासोतीमा भाद्र १३ गते तथा टाँडीमा भाद्र २० गते अडिसन हुने आयोजकले जनाएको छ । यस्तै दिव्यनगरमा भाद्र २५ गते, गैंडाकोटमा भाद्र २७, भरतपुरमा भाद्र २८ र माडीमा भाद्र ३१ गते अडिसन हुने तालिका रहेको मेनेजर चालिसको भनाई छ ।
मंसिर १३ गते फाइनल हुने पब्लिक स्पिकिङ च्याम्पमा ५ सय वटा बिद्यालयका करिब १५ सय विद्यार्थीहरुको सहभागीता रहने आयोजकको अनुमान गरेको छ ।
प्रतियोगिताको बिजेताले नगद ५० हजार रुपैँया सहित मेडल, ट्रफी र प्रमाणपत्र प्राप्त गर्नेछ । यस्तै दोस्रो हुनेले ३० हजार सहित मेडल, ट्रफी र प्रमाणपत्र प्राप्त गर्नेछ भने तेस्रो हुनेले २० हजार सहित मेडल, ट्रफी र प्रमाणपत्र प्राप्त गर्ने मेनेजर चालिसेले जानकारी दिए ।