तरुण दल मकवानपुरको तिज बिशेष कार्यक्रम

२९ साउन,हेटौँडा । नेपाल तरुण दल मकवानपुरले नजिकिदै गरेको हिन्दु नारीको विशेष चाड तिजको अवसरमा तिज बिशेष दर खाने तथा सांस्कृतिक कार्यक्रम गर्ने भएको छ । 
तरुण दल मकवानपुरले भदौं ११ गते दर खुवाउने र राष्ट्रिय कलाकार तथा स्थानीय कलाकारहरुको उपस्थितिमा वृहत सांस्कृतिक कार्यक्रम गर्न लागिएको कार्यक्रम संयोजक अञ्जना उपाध्यायले जानकारी दिएकी छिन।
नेपाली कांग्रेसका पूर्व महामन्त्री एवं पूर्व उपप्रधानमन्त्रीसमेत रहेका प्रकाशमान सिंहको प्रमूख आतिथ्यतामा तथा चर्चित लोक गायक गायिकाहरु पशुपति शर्मा र टिका सानुको आतिथ्यतामा तिज बिशेष दर खाने तथा सांस्कृतिक कार्यक्रम गर्ने भएको हो।
त्यसैगरी चर्चित हास्यकलाकार शिवशंकर रिजाल जोगिन्दरले हास्यप्रस्तुती  रहने संयोजक उपाध्यायले जानकारी दिएकी छिन ।
    
कार्यक्रममा दर्शक दीर्घामा रहेर उत्कृष्ट नृत्य प्रस्तुत गर्ने चार जना सहभागीलाई पुरस्कारकोसमेत व्यवस्था गरिएको दरुण दल मकवानपुरका अध्यक्ष ईश्वर पाठकले जानकारी दिए ।अध्यक्ष पाठकका अनुसार उत्कृष्ट नृत्य गर्नेहरुलाई क्रमशः सुनको माईली तिलहरी, सुनको चन्द्रमा, एक सेट पाउजु र एकसेट झल्ला दिने बताए ।

हेटौंडाको पल्पसा हलमा हुने लागेको कार्यक्रममा मकवानपुरको १० वटै स्थानीय तहमा जानकारी गरिसकिएको र आवश्यक तयारी भैरहेको तरुण दल जिल्ला सचिव सचित थापाले बताए ।थापाका अनुसार तिज विशेष र दर खाने कार्यक्रम गर्न ५ लाख रुपियाँ लाग्ने अनुमान गरिएको बताए ।