रानिसेराका किसानलाई मकै भित्र्याउने चटारो

सुनिल शिवाकोटी
३० साउन, हेटौँडा । प्रदेश ३को राजधानी हेटौँडा उपमहानगरसंग सिमाना जोडिएको मकवानपुर गढी गाउँपालिका रानीसेराका किसानलाई अहिले मकै भित्र्याउने चटारो छ ।  
गाउँपालिकाको वडा नम्बर १ मा रानिसेराका स्थानीयको  आयआर्जनको श्रोत भनेकै कृषी हो  । विकासमा निर्माणबाट पछि परेको  रानिसेराका स्थानिय कृषिलाई मूख्य अाधार बनाएर जीवन गुजारा गरिरहेका छन् । यतिवेला मकै भित्र्याउने चटारोमा छन्  । किसान अहिले बारीको मकै भाँच्ने, छोडाउने र सुकाउने काममा व्यस्त छन् । 
अहिलेको चर्को घाममा उनीहरू बिहानदेखि बेलुकासम्म बारीमा फलेको मकै थन्क्याउनमा व्यस्त देखिन्छन् । 'मूख्य बालि हो, यसैबाट गुजारा गर्नुपर्छ, घाम पानी भनेर कहाँ बस्न मिल्छ ।'-एक महिलाले भनिन् । प्राय स्थानीय र केही भागमा उन्नत जातको मकैको खेती गर्नै गरेको र मकै पाकिसकेकाले भित्रयाएर कोदो र भटमास रोप्न हतार भएको स्थानीय कल्पना स्याङ्तानले बताईन् । 
'मकै भाँच्न खेताला पाईदैन के गर्नु पाकेको बाली समयमा भित्र्याउन नसके अर्को बाली रोप्न ढिला हुन्छ त्यसैले आफै मकै भाच्न बर्षात तथा चर्को घामको परवाह नगरी काम गर्नु परेको छ ।'- कल्पनासंगै मकै भाच्दै गरेकी अर्की महिलाले दुखेसो गरिन्। बिकट क्षेत्रमा रहेको उक्त स्थानमा यातायातको समस्या, कृषि औजार, मल बिउविजन तथा सिचाई सुविधाको समस्याले गर्दा राम्रो उत्पादन हुन नसक्ने तथा उत्पादन भएका मकैलाई घरमै राख्नुपर्ने बाध्यता रहेको किसानहरु बताउँछन् । 
सिंचाइको व्यवस्था भए मकै लगायतका अन्नबालिको उत्पादन बढ्ने र तरकारी खेति गरेर जीवनस्तर उकास्न सकिने उनीहरूको भनाइ छ ।