कांग्रेस केन्द्रीय समिति बैठकमा अनुशासन समितिको प्रतिवेदनमा छलफल सुरु

३० साउन, हेटौँडा । नेपाली कांग्रेसको केन्द्रिय समितिमा अनुशासन समितिको प्रतिवेदनमा छलफल सुरु भएको छ । बुधबार बसेको केन्द्रिय समितिको बैठकमा केन्द्रिय अनुशासन समितिका सभापति भिष्मराज आङ्गदम्बेले आफ्नो प्रतिवेदन पेश गरे पछि छलफल सुरु भएको हो । 
नेपाली कांग्रेसको जारि केन्द्रिय समितिको बैठकमा अनुशासन समितिको प्रतिवेदनको साथै विभिन्न तहमा हुने उपनिर्वाचनको विषयमा समेत छलफल हुने कार्यसूची रहेको छ । 
नेपाली कांग्रेसले केहि दिन अघि अन्तरिम संरचनालाई रुपान्तरण गरी संघीय व्यवस्था बमोजिम विधानको धारा ७२ बमोजिम संरचना बनाउने निर्णय गरि सकेको छ ।
पत्रकारहरुसँग कुरागर्दै केन्द्रीय सदस्य प्रदीप पौडेलले दोश्रो चरणको जागरण अभियान सुरु हुनु अघि उपनिर्वाचन र भातृ संगठनहरुको विषयमा केन्द्रिय समितिले निर्णय लिने बताए ।
नेपाली कांग्रेसको केन्द्रिय समितिको बैठकमा बिधान र अन्तरिम संरचना बाहेक  नेपाल लोकतान्त्रिक फोरमका सांगठनिक संरचना संयोजन समितिको प्रतिवेदन, केन्द्रीय नीति, अनुसन्धान तथा प्रशिक्षण प्रतिष्ठानको प्रतिवेदन, राष्ट्रिय जागरण अभियानको प्रथम चरणको प्रतिवेदन प्रस्तुत भैसकेको छ ।
बिहीबार छलफलको लागि पेश भएको अनुशासन समितिको प्रतिवेदनमा प्रतिनिधि सभा लगायतको तिनै तहको निर्वाचमा पार्टीको उम्मेदवार हराउने र असहयोग गर्ने व्यक्तिहरुलाई कारबाही सिफारिस गरिसकेको छ । 
मितिको कारबाही सिफारिस एक पक्षीय र गुटगत निर्णय भएको भन्दै पार्टी भित्र बिरोध पनि भइरहेको छ ।