क्यान्सर पीडित गुरुङलाई ६७ हजार सहयोग

३१ साउन, हेटौँडा । रक्त क्यान्सरबाट पीडित हेटौंडा उपमहानगरपालिका १६ घ्याम्पे चिसापानीका एक युवकलाई ६७ हजार रुपैयाँ आर्थिक सहयोग उपलब्ध गराइएको छ ।
हेटौंडा उपमहानगरपािलका वडा नम्बर १६ का वडा अध्यक्ष रामकृष्ण कोईरालाको पहलमा विभिन्न व्यक्ति र नेपाली कांग्रेसका नेता तथा कार्यकर्ताबाट संंकलित रकम शुक्रबार एक कार्यक्रमका विच पिडितका बाबु कृष्णबहादुुर गुरुङलाई हस्तान्तरण गरिएको हो ।
ब्लड क्यान्सरबाट पीडित हेटौंडा १४ चिसापानीका २६ वर्षिय सुमन गुरुङलाई रकम अभावका कारण उपचारमा समस्या आएपछि नेपाली कांग्रेस हेटौंडा १६ नम्बर ईकाईको विशेष पहलमा आर्थिक सहयोग संकलन गरिएको थियो ।
क्यान्सर पिडित गुरुङको सहयोगका लागी बेलायतबाट लिला दुलालबाट २० हजार, कतारबाट दिलकुमार पुलामीले १६ हजार ५ सय र बाँकी ३० हजार ५ सय रुपैयाँ नेपाली कांग्रेसका नेता तथा कार्यकर्ताबाट संकलन गरिएको हेटौंडा १६ नम्बर वडाका अध्यक्ष कोईरालाले जानकारी दिए ।
क्यान्सर पीडित गुरुङको हाल काठमाडौंमा उपचार भइरहेको बाबु कृष्णबहादुर गुरुङले जानकारी दिए ।
नेपाली कांग्रेस हेटौंडा उपमहानगर सभापतिका आनन्दराम पराजुलीको प्रमूख आतिथ्यतामा भएको सहयोग हस्तान्तरण कार्यक्रममा १६ वडाका वडा अध्यक्ष कोईराला, नेपाल तरुण दल मकवानपुरका जिल्ला सचिव सचित थापा, समाजसेवी नवराज न्यौपानेलगायत कांग्रेसका नेता कार्यकर्ताहरुको उपस्थिति रहेको थियो ।