रवि लामिछानेलाई लागेको कसुरमा यस्तो छ सजाय

File Photo

३२ साउन, हेटौँडा । पत्रकार शालिकराम मृत्यु प्रकरणमा सिधा कुरा जनतासंगका प्रस्तोतासहित ३ जनालाई अनुसन्धानका लागि ५ दिन म्याद दिएको छ । जिल्ला अदालत, चितवनले पुडासैनीको आत्महत्यामा दुरुत्साहन गरेको कसूरमा अनुसन्धानका लागि हिरासतमा राख्न अनुमति दिएको हो । मुलुकी अपराध संहिता, २०७४ को परिच्छेद – १२ ज्यान सम्बन्धी कसूर अन्तरगत दफा १८५ मा रविसहित ३ जनालाई लागेको आत्महत्या गर्न दुरुत्साहन सम्बन्धी कसुरमा यस्तो कानूनी व्यवस्था रहेको छ । 
,,,,,,,,,,,,,,,,,
१८५. आत्महत्या गर्न दुरुत्साहन दिन नहुनेः (१) कसैले कसैलाई आत्महत्या गर्न दुरुत्साहन दिन वा त्यस्तो काम गर्ने सम्मको परिस्थिति खडा गर्न वा गराउन हुँदैन ।
(२) उपदफा (१) बमोजिमको कसूर गर्ने व्यक्तिलाई पाँच वर्षसम्म कैद र पचास हजार रुपैयाँँसम्म जरिबाना हुनेछ ।
१८६. क्षतिपूर्ति भराई दिनु पर्नेः यस परिच्छेद बमोजिम भएको कसूरबाट कसैको जिउ, ज्यान वा सम्पत्तिमा हानि, नोक्सानी वा क्षति भएमा कसूरदारबाट पीडित व्यक्ति र निज नभए निजको हकवालालाई मनासिब क्षतिपूर्ति भराई दिनु पर्नेछ ।
१८७. हदम्यादः (१) दफा १७७, १७८, १७९, १८०, १८१, १८२ र १८४ को उपदफा (३) मा रहेको प्रतिबन्धात्क वाक्यांश अन्तर्गतका कसूरमा कसूरदार आफैं साबित भई पोलेकोमा जहिलेसुकै पनि उजुर लाग्नेछ । त्यस्तो कसूरमा कर्तव्यको उजुरी परेकोमा अनुसन्धानबाट कर्तव्यवाला यही हो भन्ने पत्ता नलागेकोमा बीस वर्ष पछि र कर्तव्यको उजुर नपरेकोमा सो वारदात भएको दुई वर्षपछि उजुरी लाग्ने छैन ।
(२) उपदफा (१) मा लेखिएदेखि बाहेकका यस परिच्छेद अन्तर्गतका अन्य कसूरमा त्यस्तो कसूर भएको कुरा थाहा पाएको मितिले छ महिना नाघेपछि उजुर लाग्ने छैन ।

यो पनि पढ्नुस्

रबिको पक्षमा हेटौँडामा मोटरसाइकल र्याली