जेसीजको क्षेत्र ‘ख’ सम्मेलन हेटौँडामा, तयारी लगभग पुरा

१ भदौ, हेटौँडा । यही भदौ ६ र ७ गते हेटौंडामा नेपाल जेसीजको क्षेत्र ‘ख’ सम्मेलनको आयोजना हुने भएको छ। 
आयोजनाको जिम्मा पाएको बस्तिपुर जेसिजले आइतबार हेटौंडामा पत्रकार सम्मेलनको आयोजना गर्दैे नेपाल जेसीजको क्षेत्र ‘ख’ सम्मेलनको तयारी लगभग लगभग सकिएको बताएको हो ।
 हेटौँडा ५ मा रहेको पुजा ब्याङक्वीटमा हुने सम्मेलनको प्रदेश–३ का मुख्यमन्त्री डोरमणि पौडेलले उद्घाटन गर्ने पत्रकार सम्मेलमा बताईएको छ । कार्यक्रममा प्रमुख प्रतिपक्षी दलका नेतासहित प्रदेश मन्त्रीहरु र नेपाल जेसीजका अध्यक्षसहित पदाधिकारीको विशेष उपस्थिति रहने सम्मेलन निर्देशक गणेश प्रसाद भेटवालले जानकारी दिएका छन  । 
सम्मेलनमा क्षेत्र ‘ख’ का ३२ वटा शाखाका करिब ३ सय युवासहित नेपाल जेसीज र अन्य शाखाका गरी कम्तिमा ६ सय युवाको हेटौंडामा उपस्थिति रहने र बस्तीपुर जेसिज सचिवालयमा क्षेत्र ख का अध्यक्षहरुको भेला एवं अवलोकन कार्यक्रम रहेको पत्रकार सम्मेलनमा जनाइएको छ । त्यसैगरी कार्यक्रमको पुर्वसन्ध्यामा भदौ ७ गते बिहान  जिल्ला प्रहरी कार्यालय अगाडीबाट कार्यक्रमस्थल सम्म पदयात्रा गरिने सम्मेलन निर्देशक  भेटवालले बताएका छन । 
पत्रकार सम्मेलनका बस्तीपुर जेसिजका अध्यक्ष सुनिल अधिकारीले कार्यक्रमको तयारी ९५ प्रतिशत पूरा भइसकेको बताए। अधिकारीले सम्मेलनका लागि करिब ५० लाख खर्च अनुमान गरिएको र खर्च व्यवस्थापन सहभागीको रजिष्टे«सन र सहयोगी संघसंस्थाबाट संकलन गरिएको बताए ।