नेकपाको वरियतामा हेरफेर, खनाललाई दोश्रो वरियता, नेपालको 'नोट अफ डिसेन्ट’ 

२ भदौ, हेटौँडा । सत्तारुढ नेपाल कम्युनिष्ट पार्टी (नेकपा)को दुई अध्यक्षहरु पछिको दोश्रो वरियतामा रहँदै आएका वरिष्ठ नेता माधव कुमार नेपाललाई तेश्रो वरियतामा राखिएको छ । 
नेकपा सचिवालयको आइतवार साँझ बसेको बैठकले दुई अध्यक्षहरु पछिको दोश्रो वरियतामा अर्का वरिष्ठ नेता झलनाथ खनाललाई राख्ने निर्णय गरेसँगै नेपालको वरिता तेश्रो स्थानमा पुगेको हो । 
पछिल्लो समय नेकपाको वरियतामा झलनाथ खनालले आफुलाई तल पारिएको भन्दै असन्तुष्टि व्यक्त गर्दै आएका थिए । 
नेता माधवकुमार नेपालको असन्तुष्टि र विरोधका बाबजुद उनलाई अर्का नेता खनालभन्दा पछाडीको वरियतामा राखेपछि नेता नेपालले बैठकमा ‘नोट अफ डिसेन्ट’ लेखेर आफ्नो असन्तुष्टि जनाएको बताइएको छ ।
आइतबारको सचिवालयको बैठकले नेताहरुको वरियता संगै सागठानिक एकताका बाँकी बिशेष क्षेत्र र जवार्गीय संगठनका इन्चार्ज तोक्ने निर्णय पनि गरेको नेकपा प्रचार बिभाग प्रमुख नारायण काजी श्रेष्ठले जानकारी दिए ।
बैठकले उपत्यका विशेष कमिटीको इन्चार्जमा लिलामणि पोखरेल, युवा तथा विद्यार्थी विशेष कमिटीको इन्चार्जमा माधव ढुंगेल, मजदुर विशेष जिल्ला कमिटीको इन्चार्जमा विना श्रेष्ठ, पेशागत महासंघको इन्चार्जमा केशव नेपाललाई तोकेको प्रचार बिभाग प्रमुख नारायणकाजी श्रेष्ठले जानकारी दिए ।
ययसैगरी बैठकले उद्योगी व्यवसायी विशेष कमिटीको इन्चाजर्मा पार्वत गुरुङ, केन्द्रीय सम्पर्क समन्वय कमिटीको इन्चार्जमा छविलाल विश्वकर्मालाई तोकिएको पनि जानकारी दिए । 
यस्तै आइतबारको बैठकले इन्चार्ज सँगै विशेष कमिटी, जनवर्गीय संगठन र प्रदेश सम्पर्क कमिटीका सहइन्चार्ज तथा अध्यक्ष र सचिवहरू पनि तोकेको छ ।