हेटौँडा १० टिसिएनमा ओभर हेड पानी ट्याङकीको शिलान्यास

 ३ भदौँ, हेटौँडा । हेटौँडा १०मा ४ लाख ५० हजार लिटर क्षमताको ओभर हेड पानी ट्याङकी बन्ने भएको छ। मंगलबार बिहान हेटौंडा १० टिसिएनको चौरमा ४ लाख ५० हजार लिटर क्षमताको ओभर हेड पानी ट्याङकीको शिलान्यास गरिएको छ ।  
उक्त पानी ट्याङकीको हेटौडा उपमहानगरपालिकाका मेयर हरिबहादुर महतले शिलान्यास गरेका हुन्।शिलान्यास कार्यक्रममा बोल्दै हेटौडा उपमहानगरपालिकाको मतहतमा रहेको हेटौंडा खानेपानी व्यवस्थापन बोर्डले नगरबासिको खानेपानीको समस्यालाई मध्यनजर गरेर निमार्ण गर्न लागेको ओभर हेड पानी ट्याङकीले नगर भित्र देखिएको खानेपानीको समस्यालाई अन्त्य गर्ने बताए ।  
नेपाल सरकार संघिय खानेपानी तथा ढल व्यवस्थापन आयोजनाको ७० प्रतिशत र हेटौंडा खानेपानी व्यवस्थापन बोर्डको र ३० प्रतिशत लगानीमा ओभर हेड पानी ट्याङकी निर्माण हुन लागेको आयोजनाका प्रमुख नन्दलाल बन्जाडेले बताएका छन।आयोजना प्रमुख नन्दलाल बन्जाडेले १५ करोड ५५ लाख रुपैयाको लागतमा आयोजना निर्माणको सम्झौता भएको र यो संगसगै हेटौँडा २ हरिकुञ्ज, हेटौँडा १० टिसिएन,हेटौँडा५ पिप्ले र हेटौँडा ८ कमानेमा खाने पानीको ट्याङकी निर्माण हुने र ति मध्य तीन स्थानमा ओभर ग्राउण्ड ट्याङकी बन्ने आयोजनाका प्रमुख नन्दलाल बन्जाडेले जनाएका छन ।

हेटौडा उपमहानगरपालिकाका मेयर हरिबहादुर महतको प्रमुख आतिथ्यतामा  तथा हेटौंडा खानेपानी व्यवस्थापन बोर्डका अध्यक्ष प्रताप विष्टको अध्यक्षतामा भएको कार्यक्रममा १० नम्बर वडा अध्यक्ष किताव सिङ लामा, मकवानपुर उद्योग वाणिज्य संघका अध्यक्ष कृष्ण कटुवाल हेटौंडा खानेपानी व्यवस्थापन बोर्डका प्रमुख सुर्दशन ढकाल लगायतकको उपस्थिती रहेको थियो ।