मकवानपुर प्रहरीको अप्रेसन, १ सय ३ किलो गाँजा सहित पाँच पक्राउ

३ भदौँ, हेटौँडा । गाँजा, अफिमजस्ता लागु पदार्थ उत्पादन र असार प्रसारको ट्रान्जिट प्वाइन्ट मानिने मकवानपुरमा कारोबारीले कारोबारको नयाँ नयाँ तरिका अपनाउने गरेका छन् ।

मकवानपुरमा उत्पादित लागुऔषध अन्य क्षेत्रमा लैजान होस् या अन्य क्षेत्रबाट मकवानपुर हुँदै लागुऔषध नेपालका प्रमुख शहरमा आसारपसार गर्न नयाँ नयाँ शैली अपनाउने गरेपछि प्रहरी समेत चनाखो बनेको छ । मकवानपुर प्रहरीले पनि ‘सरप्राईज एम्बुस’ थप्नेदेखि सवारी साधनमा निगरानी बढाएको छ । मकवानपुर प्रहरीले मंगलबार पनि जिल्लाका दुई स्थानमा १ सय ३ किलो लागुऔषध गाँजा सहित पाँच जनालाई पक्राउ गरेको छ मंगलबार जिल्ला प्रहरी कार्यालय मकवानपुरमा पत्रकार सम्मेलनको आयोजना गर्दै कारोबारी र बरामद गरेको गाजाँ सार्वजनिक गरेको छ । प्रहरीले मकवानपुरको ईलाका प्रहरी कार्यालय पशुपतिनगरबाट प्रहरी निरीक्षक अरुण कुमार कुशवाहाको नेतृत्वमा गरको प्रहरी टोलीले हेटौँडा १५ रातोमाटेमा हेटौँडाबाट बिरगञ्ज जाँदै गरेको एच आर ५१ एल २४४१ को भारतीय कारलाई जाँच गर्दा २१ किलो ५ सय ग्राम गाँजा सहित कार चालक भारतीय नागरिकहरु कार चालक मुकेश सहनी, सोहि स्थानका राजकुमार, भारत मोतिहारीकै ओमप्रकाश चौधरी र नेपाल पर्सा जिल्लाका जितेन्द्र प्रसाद यादवलाई पक्राउ गरीएको मकवानपुर प्रहरी प्रमुख मुकेश कुमार सिंहले बताएका छन । त्यस्तै जिल्ला प्रहरी कार्यालय मकवानपुरबाट प्रहरी निरीक्षक पवन कुमार झाको नेतृत्वमा गएको प्रहरी टोलीले मकवानपुरको राक्सीराङ गाउँपालिका ३ पलासे वसपार्क बाट ८१ किलो ७ सय ग्राम किलो गाँजा सहित सप्तरी जिल्लाका पुरन साहालाई पक्राउ गरिएको प्रहरी प्रमुख सिंहले बताएका छन । प्रक्राउ परेको सबैलाई नियन्त्रणमा लिई आवश्यक अनुसन्धान भईरहेको जिल्ला प्रहरी कार्यालय मकवानपुरले जनाएको छ।