१६ सचिवको सरुवा, प्रदेश ३का प्रमुख सचिव ढकाल लोकसेवा आयोगमा

३ भदौँ, हेटौँडा । सरकारले १६ सचिवको सरुवा गर्नुका साथै ४ जना वरिष्ठ सहसचिवलाई सचिव पदमा बढुवा गरेको छ । 
सोमबार बसेको मन्त्रिपरिषद्को बैठकले सरकारले १६ जना सचिवको सरुवा तथा ४ जना वरिष्ठ सहसचिवलाई  सचिवमा बढुवा गरेको हो ।
 जसमा प्रधानमन्त्री तथा मन्त्रिपरिषद् कार्यालयका सचिव डा. हरि पौडेललाई राष्ट्रपति कार्यालय र राष्ट्रपति कार्यालयका सचिव विनोद केसी श्रम तथा रोजगार मन्त्रालयमा सरुवा भएका छन।
त्यसैगरी शिक्षा सचिव खगराज बराल स्वास्थ्य तथा जनस्ख्या मन्त्रालयमा र श्रम, रोजगार तथा सामाजिक सुरक्षा मन्त्रालयका सचिव महेशप्रसाद दाहाललाई शिक्षा मन्त्रालय,त्यस्तै जनस्ख्या सचिव रामप्रसाद थपलियालाई युवा तथा खेलकुद मन्त्रालय, पर्यटन सचिव मोहनकृष्ण सापकोटालाई सार्वजनिक खरिद अनुगमन कार्यालयमा सरुवा गरिएको छ । 
त्यसैगरी उद्योग, वाणिज्य तथा आपूर्ति मन्त्रालयका सचिव केदारबहादुर अधिकारीलाई संस्कृति पर्यटन तथा नागरिक उड्डयन मन्त्रालय र राष्ट्रिय प्राकृतिक स्रोत तथा वित्त आयोगका सचिव वैकुण्ठ अर्याललाई वाणिज्य तथा आपूर्ति मन्त्रालयमा सरुवा गरिएको छ ।
सिँचाई मन्त्रालयका सचिव डा. सञ्जय शर्मालाई विज्ञान तथा प्रविधि मन्त्रालय र सार्वजनिक खरिद पुनरावलोकन आयोगका सचिव वेगेन्द्रराज शर्मा पौडेललाई वित्त आयोगमा पठाएको छ।  यता राष्ट्रिय सतर्कता केन्द्रका माधव वेल्वासेलाई खाने पानी मन्त्रालय, महालेखा नियन्त्रक सूर्यप्रसाद गौतमलाई भूमिसुधार मन्त्रालय र भूमिसुधार मन्त्रालयका सचिव गोपीनाथ मैनालीलाई महालेखा नियन्त्रकको कार्यालयमा सरुवा गरेको छ ।
त्यसैगरी प्रदेश ३ का प्रमुख सचिव आनन्दराज ढकाललाई लोकसेवा आयोगमा र लोकसेवाका सचिव महेन्द्र गुरागाइँ तथा प्रदेश ५ का प्रमुख सचिव डा. तीर्थराज ढकाललाइ प्रधानमन्त्री तथा मन्त्रिपरिषद् कार्यालय सरुवा गरिएको छ । 
त्यसैगरी सरकारले  वरिष्ठ सहसचिवलाई रिक्त ४ सचिव पदमा बढुवा गरेको छ । बढुवा हुने सहसचिवहरूमा तोयम राय, तोयनारायण ज्ञवाली, रविन्द्र श्रेष्ठ र शिव हरी शर्मा रहेका छन् ।