हेटौँडा बसपार्कमा खुल्यो निशुल्क कपडा बैंक

४ भदौ, हेटौँडा । हेटौँडामा पछिल्लो समय कपडा बैंक खुल्ने क्रमले निरन्तरता पाएको छ । यसैविच हेटौँडामा बुधबार अर्को कपडा बैंकको उद्दघाटन भएको छ । 
हेटौँडा उपमहानगरपालिका वडा नम्बर १० बसपार्क क्षेत्रका बुधबार निशुल्क कपडा बैकको सुरुवात गरिएको छ । केही युवाहरुको समूह सहयोगी हातहरुले कपडा बैंकको सुरुवात गरेको हो । 
एक कार्यक्रममा विच हेटौँडा उपमहानगरपालिका वडा नम्बर १० का वडा अध्यक्ष किताबसिंह लामाले कपडा बैंकको उद्दघाटन गरेका छन् । 
कपडा बैंक उद्दघाटन कार्यक्रमका प्रमुख अतिथि रहेका वडा अध्यक्ष लामाले सरकारले गर्नुपर्ने गास बास र कपासको व्यवस्थामा युवाहरुको समूहले गरेको सहयोग उदाहरणीय रहेको उल्लेख गरे । उनले आफनो वडामा सञ्चालन गरेको कपडा बैंक सञ्चालनमा अवस्यक सहयोग गर्न वडा कार्यलय तत्पर रहेको प्रतिवद्धता पनि व्यक्त गरे । 
कार्यक्रममा अभियानका सुजल ढकालले सडकमा रहेका बालबालिका र कपडा किनेर लगाउँन नसक्ने आर्थिक अवस्था कमजोर भएकाहरुका लागी लक्षित गर्दै आफुहरुले व्यक्तिगत पैशाबाट कपडा बैंक सञ्चालन गरेको जानकारी दिए ।
कार्यक्रममा वडा प्रहरी कार्यलयका प्रहरी निरिक्षक इश्वरी प्रसाद भण्डारी, नायव निरिक्षक ज्ञानेन्द्रबहाुर क्षेत्री, सहयोगी हातहरु अभियानका सुजल ढकाल, अम्निसमान श्रेष्ठ, करिना थापा, मन्जलि प्रधान, आर्यन बानियाँ निशान मगर, हेटौँडा युवा अभियानका संयोजक सकार शिवाकोटी शशीलागएको उपस्थिति रहेको थियो ।