जिससद्वारा प्रमुख सचिव ढकालको विदाई 

५ भदौ, हेटौँडा । जिल्ला समन्वय समिति मकवानपुरले सरुवा भएर जान लाग्नु भएका ३ नम्बर प्रदेशका प्रमुख सचिव आनन्दराज ढकालको विदाई गरेको छ । 
बुधबार जिल्ला समन्वय समिति मकवानपुरको कार्यलयमा विदाई कार्यक्रमको आयोजना गरी ढकाललाई विदाई गरिएको हो । कार्यक्रममा जिल्ला समन्वय समिति मकवानपुरका प्रमुख रघुनाथ खुलालले प्रमुख सचिव ढकालको कार्य कुशलताको प्रशंसा गर्दै आगामि कार्यकालको सफलताको लागी शुभकामना दिए ।
प्रमुख खुलालले प्रमुख सचिव ढकालले जिल्ला समन्वय समितिलाई पुर्याएको सहयोगको पशंसा गर्दै धन्यवाद दिनुएका थिए । 
यस्तै कार्यक्रममा प्रमुख सचिव ढकालले आफुले प्रदेश सकार सफल हुने गरि काम गरेको उल्लेख गर्दै कुनुनले दिएको अधिकार र सरकारले दिएको पैसाले मात्र काम गर्न सकिन्छ भन्ने मनस्थितीलाई जिल्ला समन्वय समिति मकवानपुरले गलत सावित गरेको बताए । 
प्रमुख सचिव ढकालले तीनै तहका सरकारको उदेश्य समृद्धि नै भएको तर समृद्धि र संघीयता सफल बनाउन जिल्ला समन्वय समितिको भुमिका महत्वपुर्ण हुने विश्वास व्यक्त गरे । 
गत साउन २८ गते प्रदेश सचिवका रुपमा आउनुभएका ढकाल लोकसेवा आयोगमा सरुवा भएर जान लागेका हुन् । 
विदाई कार्यक्रममा जिल्ला समन्वय समिति मकवानपुरकि उपप्रमुख भगवती पुडाशैनी, समन्वय अधिकारी कपिल प्रसाद उपाध्यायलगायतको उपस्थिती रहेको थियो ।