उपमहानगरले चलाउँदै डेंगु नियन्त्रण अभियान

५ भदौँ, हेटौँडा । हेटौँडा उपमहानगरपालिका क्षेत्रमा डेंगुको सक्रमण नियन्त्रणमा आउँन नसकेपपछि मेयर हरिबहादुर महतको नेतृत्वमा अभियान सञ्चालन गरिएको छ । 
डेंगु फैलाउँने लामखुट्टेको लार्भा र प्युपा वस्ने वासस्थान नष्ट गर्नका लागि मेयर महतको नेतृत्वमा हेटौंडा ४ का बिभीन्न स्थानमा अभियान सञ्चालन गरिएको हो । 
बुधबार सञ्चालन गरिएको अभियानमा मेयर महत सहित प्रदेश स्वास्थ्य निर्देशनालयका निर्देशक रमेश अधिकारी, सामाजिक विकास मन्त्रालयका स्वास्थ्य महासाखाका प्रमुख शतिस बिष्ट, हेटौंडा ४ का वडा अध्यक्ष नविन सिग्देल, नगर प्रहरी, महिला स्वास्थ्य स्वयंसेबिका, जनपथ प्रहरी लगायतकाको सहभागिता रहेको थियो । 
हेटौंडामा केही समय यता २ सय ६१ जना भन्दा बढीमा डेंगु देखा परेको छ । अभियानका क्रममा मेयर महतले डेंगु नियन्त्रणकालागी सफा पानिलाई लामो समयसम्म जम्न नदिने वातावरण बनाउनुपर्ने बताए ।  
यसअघि अफिसर्स क्लबको सहयोगमा डेंगु रोगको नियन्त्रण, रोकथामका लागि सरकारी कार्यालय हरुमा पनि सचेतना अभियान गरिएको छ । यो अभियानमा मकवानपुरका प्रमुख जिल्ला अधिकारी अस्मान तामाङ, अफिसर्स क्लब मकवानपुरका अध्यक्ष रामकृष्ण थापा लगायतकाको टोलीले अभियान गरेको उपमहानगरपालिकाका स्वास्थ्य शाखाका प्रमुख सुपेन्द्र कार्कीले जानकारी दिए । 
डेंगु नियन्त्रणका लागि हेटौंडा उपमहानगरपालिकाले प्रत्येक वडामा सचेतना कार्यक्रमको आयोजना गर्नु साथै ‘खोज र नष्ट गर’ अभियान समेत चलाएको छ ।