हेटौंडामा लागूऔषध दुरुपयोग तथा अबैध ओसारपसार विरुद्ध अभिमुखीकरण

५ भदौ, हेटौंडा। लागूऔषध दुरुपयोग तथा अबैध ओसारपसार विरुद्ध सरोकारवालाहरुलाई (बैकल्पिक विकास र उपचार तथा पुर्नस्थापना केन्द्रहरुको सेवाको प्रभावकारीता सम्बन्धि) अभिमुखकिरण कार्यक्रममा सम्पन्न भएको छ।

गृह मन्त्रालय, लागु औषध नियन्त्रण शाखाको आयोजना तथा जिल्ला प्रशासन कार्यालय मकवानपुरको समन्वयमा कार्यक्रम सम्पन्न भएको हो।प्रदेश ३ आन्तरिक मामिला तथा कानुन मन्त्री शालिकराम जमरकट्टेलको प्रमुख आतिथ्यमा  कार्यक्रम सम्पन्न भएको हो।कार्यक्रममा बोल्दै प्रमुख अतिथि जमरकट्टेलले  प्ररावित वर्ग समुदायलाई हुने गरी  नितिनियम बनाउँन प्रदेश सरकार चुकेको बताएका छन्।

उनले लागुपदार्थ सेवनकर्ता र यस सम्बन्धी यकिन तथ्यांक संकलन गरिनु पर्ने बताउँदै नेपाल प्रहरीले लागुऔषध नियन्त्रणमा देखाएको सक्रियताको खुलेरै प्रशंसा गरेका छन्।

प्रमुख जिल्ला अधिकारी अस्मान तामाङको अध्यक्षतामा भएको कार्यक्रममा मकवानपुर प्रहरी प्रमुख प्रहरी उपरीक्षक मुकेश कुमार सिंहले मकवानपुर प्रहरीले लागुऔषध नियन्त्रणका लागि गरेको गतिविधिको बारेमा सहजिकरण गरेका थिए।

कार्यक्रममा ३ नम्बर प्रदेश प्रहरी प्रमुख प्रहरी नायव महानिरीक्षक शेरबहादुर बस्नेत, जिल्ला समन्वय समिति मकवानपुरका प्रमुख रघुनाथ खुलाल, उपप्रमुख भगवती पुडासैनी,  हेटौँडा उपमहानगरपालिका उपमेयर मिना लामा, भीमफेदी गाउँपालिका अध्यक्ष हिदम लामा, इन्द्रसरोबर गाउँपालिका अध्यक्ष जीवन लामा लगायत सरोकारवाला निकायका प्रमुख, कर्मचारी, सुरक्षा निकायका प्रतिनिधि तथा पत्रकारहरुको सहभागिता रहेको थियो ।