रानीको वार्षिकोत्सवमा सम्मान

भीमसेन पौडेल 
२२ पुस, चौघडा । हेटौडा–६ चौघडामा रहेको रानी सामुदायिक वन उपभोक्ता समूहको २३ औं वार्षिकोत्सव शुक्रवार सम्पन्न भएको छ । 

समूहले वार्षिकोत्सवको अवसरमा विभिन्न विधाका उत्कृष्ट उपभोक्ताहरुलाई सम्मान गरिएको छ । पशुपालनमा गढी–६ मक्रान्चुलीका नारायणप्रसाद तिमल्सिना, फलफूलमा गढी–६ मक्रान्चुलीकै राधिका हुमागाई, खेतीमा हेटौडा–६ शान्तीटोलका यादव सापकोटा, हस्तकलामा हेटौँडा–६ कल्याणटारका महेश राई र सरसफाइमा हेटौँडा–६ कालिपोखरीका पुष्पा सापकोटालाई सम्मान गरिएको थियो ।

यसैगरी उत्कृष्ट उपभोक्तामा हेटौडा–६ चौघडाका रामकुमार श्रेष्ठ र पुतलीबजारका दीपककुमार थापा र गढी –६ मक्रान्चुलीका कृष्णप्रसाद तिमल्सिनालाई समेत सम्मान गरिएको थियो । सामुदायिक वन उपभोक्ता महासंघ मकवानपुरका अध्यक्ष पञ्चमाया स्यांतानको प्रमुख आतिथ्यता एवं समूहका अध्यक्ष विष्णुप्रसाद न्यौपानेको अध्यक्षतामा कार्यक्रम भएको थियो ।

कार्यक्रममा चुच्चेखोला सामुदायिक वनका अध्यक्ष अर्जुन दाहाल, जनकल्याण सहकारीका उपाध्यक्ष नारायणप्रसाद अधिकारी, समूहका सल्लाहकार साधुराम चौलागाई, कृष्णबहादुर विडारी, कृष्णप्रसाद पोखरेल, उपाध्यक्ष डोरबहादुर अधिकारी, सचिव नानीमाया रुम्बा, पण्डित कृष्णप्रसाद पौडेल, कार्यालय सचिव भीमसेन पौडेल लगायतले मन्तव्य व्यक्त गरेका थिए ।

कार्यक्रममा समूहद्वारा निर्माण गरिएको राधाकृष्ण मन्दिरको प्राणप्रतिष्ठा समेत गरिएको थियो । मन्दिर करिव ३ लाखको लागतमा निर्माण गरिएको हो ।