इंग्लिस प्रिमियर लिगः म्यान्यु घरेलु मैदानमा पराजित

८ भदौ, हेटौंडा । इंग्लिस प्रिमियर लिगमा म्यान्चेस्टर युनाईटेडको खराब प्रदर्शनले निरन्तरता पाएको छ । म्यान्यु शनिवारराति सम्पन्न आफनो तेश्रो खेलमा पराजित भएको छ । 
घरेलु मैदानमा शनिवारराति सम्पन्न आफनो तेश्रो खेलमा म्यान्यु क्रिस्टल प्यालेससँग पराजित भयो । यसअघि पहिलो खेलमा चेल्सीलाई ४–० ले पाराजित गरेर शानदार सुरुवात गरेको म्यान्यु दोश्रो खेलमा उल्भस युनाईटेडसँग बराबरमिा रोकिएको थियो । 
क्रिस्टल प्यालेसको जितका लागी डिफेन्डर प्याट्रिक भान आनहोल्टले इन्ज्युरी समयमा महत्वपूर्ण गोल गरे । यसअघि पहिलो हाफको ३२ औं मिनेटमा गोल गर्दै जोर्डन आयुले प्यालेसलाई अग्रता दिएका थिए । 
दोस्रो हाफको ७० औं मिनेटमा युनाइटेडले पेनाल्टीमार्फत खेल बराबरी गर्ने अवसर पाएको थियो । तर मार्कस रासफर्डको प्रहार पोस्टमा लाग्दै बाहिरियो ।
यस्तै म्यान्युका मिडफिल्डर ड्यानीएल जेम्सले निर्धारित समयको २ मिनेट समय बाँकी रहँदा बराबरी गोल गरेपछि म्यानचेस्टर युनाइटेडले प्यालेसविरुद्ध हार टार्ने देखिएको थियो । तर काउन्टर अट्याकमा आनहोल्टले गोल गरेपछि म्यान्यु पुरै निरास बन्यो । 
यो नतिजासँगै युनाइटेड र क्रिस्टल प्यालेस दुबैको ३ खेलमा ४–४ अंक भएको छ । (एजेन्सी)