चुच्चेखोला बचतको साधारण सभा

२३ पुस, हेटौडा । हेटौडा–६ चुच्चेखोलामा रहेको चुच्चेखोला सामुदायिक वन उपभोक्ता बचत तथा ऋण सहकारी संस्था लिमिटेडको ११ औं वार्षिक साधारण सभा शनिवार सम्पन्न भएको छ ।
 साधारण सभामा संस्थाका उपाध्यक्ष गोपी अधिकारीले संस्थागत प्रतिवेदन, लेखा समितिकी सदस्य पार्वती चौलागाईले लेखा समितिको प्रतिवेदन, ऋण समितिका संयोजक धनबहादुर गौतमले ऋण समितिको प्रतिवेदन र व्यवस्थापक रीता फुयालले चाले आव मतिको प्रतिवेदन र व्यवस्थापक रीता फुयालले चाले आव ०७३÷०७४ को लागि करीव १ करोड २ लाखको अनुमानित आयव्यय विवरण प्रस्तुत गरेका थिए । 
भेलामा उत्कृष्ठ बचतकर्तामा पुतली विडारी, उत्कृष्ठ ऋणीमा लक्ष्मी श्रेष्ठ, उत्कृष्ठ विधार्थीमा गुन्जन पराजुली, मेनुका पुडासैनी, रेनु श्रेष्ठ र स्वस्तीका आचार्यलाई सम्मान गरिएको थियो । 
  समाजसेवी कृष्णप्रसाद नेपालको प्रमुख आतिथ्यता एवम सहकारीका उपाध्यक्ष गोपी अधिकारीको अध्यक्षतामा भएको साधारण सभामा नारीचेतना अगरबत्ती उत्पादक सहकारी संस्थाकी अध्यक्ष ज्ञानु अर्याल, नारीचेतना मिलिजुली सहकारीकी अध्यक्ष हिरादेवी दहाल, कामधेनु बहुउदेश्यीय सहकारीका अध्यक्ष गौरवकुमार पराजुली, सहकारीका शिक्षा उपसमितिका संयोजक शालिकराम घिमिरे, कल्पना पराजुली, भवनाथ गौतम लगायतकाले मन्तव्य व्यक्त गरेका थिए ।