प्रदेशको राजधानी नतोकेको भन्दै कड्किए सांसद

९ भदौ, हेटौँडा । ३ नम्बर प्रदेशको राजधानी नतोकेको भन्दै सांसदहरु ३ नम्बर प्रदेशको संसदमा कड्किएका छन् । सोमबारको बैठकमा उनीहरुले पटक पटक आवाज उठाउँदा पनि राजधानी र नामको टुंगो नलगाएको भन्दै सांसदमा आक्रोश व्यक्त गरेका छन् । 
प्रदेशसभा सदस्य अष्टलक्ष्मी श्रेष्ठले राजधानीको विषय यथाशिघ्र टुंगो लगाउन सरकार र संसदको ध्यानाकर्षण गराईन् । उनले यसबारे सरकार गम्भिर भएर लाग्नुपर्नेमा जोड दिईन् । उनले बजेट कार्यान्वयनको अवस्थालाई सुधार्दै जनताको मन जित्ने ढंगले काम गर्न सुझाव दिईन् । प्रदेशसभा सदस्य विजुला बर्माले राजधानीको निर्णय नगर्नुको कारणबारे सरकारलाई प्रश्न गरिन् । उनले अहिले राज्यका हरेक निकायप्रति जनताको विश्वास घटेको भन्दै यसतर्फ सरकार सचेत हुनुपर्नेमा जोड दिए । 
त्यस्तै, सांसद चन्द्रकुमार लामा, बद्री मैनाली, रत्न ढकाल, लक्ष्मण लम्साल लगायतले प्रदेश सभा सदस्यमा सांसदहरुले पटक पटक प्रश्न उठाउँदा पनि राजधानीबारेको निर्णय गरेको भन्दै सांसदको अवमूल्यन नगर्न सरकार र प्रदेशसभा सचिवालयको ध्यानाकर्षण गराएका छन् ।
बैठकमा सांसदहरुले बाढि, पहिरो लगायतका विपदका घटनाका पीडितलाई राहत, क्षति भएका पूर्वाधारको निर्माणमा सरकार उदासिन भएको भन्दै ध्यानाकर्षण गराएका छन् ।